Bakı. 9 avqust. REPORT.AZ/ Naməlum şəxslər Beynəlxalq Olimpiya Komitəsinin rəsmi avtomobili qaçırıb və Rio-de-Janeyro hava limanı yaxınlığında Çernoqoriyadan olan nümayəndə heyyətinin üzvlərini qarət ediblər.
"Report"un RİA "Novosti"yə istinadən verdiyi xəbərə görə, bu barədə məlumatı ölkənin Olimpiya Komitəsi yayıb.
Bildirilib ki, oğrular nümayəndə heyətinin olduğu avtomobili qəza vəziyyətinə salıblar və silahla hədə-qorxu gələrək, onların şəxsi əşyalarının alaraq xidməti avtomobili qaçırıblar.
"Xoşbəxtlikdən heç kim xəsarət almayıb. Braziliyada konsulluq işlərinə cavabdeh olan Çernoqoriyanın Argentinadakı səfirliyi Braziliya XİN-nə hadisə ilə bağlı nota göndərəcək", -məlumatda deyilir.