Aktual mövzular: Dollar alış-satışı , Hava haqqında, Məzənnə, Neftin qiyməti

"Taliban" yaraqlıları Əfqanıstanın şimalında hücuma keçib

"Taliban" yaraqlıları Əfqanıstanın şimalında hücuma keçib

Date: 3 October 2016 10:47

Bakı. 3 oktyabr. REPORT.AZ/ "Taliban" yaraqlıları Əfqanıstanın şimalında yerləşən Kunduz əyalətində hücuma keçib.
"Report" "Reuters"ə istinadən xəbər verir ki, yaraqlılar artıq dünən gecə saatlarında əyalətin eyniadlı şəhərinin nəzarətini ələ keçirib.
Yerli polis nümayəndəsinin sözlərinə görə, Kunduz şəhərində döyüşlər indiyə qədər davam edir. Şəhər boşaldılıb, küçələrdə heç kim yoxdur və bütün mağazalar bağlanılıb.
"Taliban" həmçinin Kunduz yaxınlığında yerləşən Navabad kəndini ələ keçirdikləri barədə məlumat yayıb.
Xatırladaq ki, "Taliban" silahlıları ötən il artıq Kunduzu ələ keçirmişdi, amma cəmi 2 gün sonra hökumət qüvvələri tərəfindən sıxışdırılaraq əyalətdən çıxarılmışdılar.
Qeyd edək ki, bu gün səhər eyni zamanda Əfqanıstanın paytaxtı Kabildə güclü partlayış baş verib. Hadisə nəticəsində bir nəfər ölüb, iki nəfər yaralanıb.

Tags:  Taliban yaraqlıları Əfqanıstanın şimalında hücuma keçib

RƏYLƏR


Top news