Honqkonqda “Hayma” qasırğası nəticəsində 1 nəfər ölüb, 12 nəfər xəsarət alıb.
APA-nın RİA Novosti agentliyinə istinadən verdiyi xəbərə görə, qeyri-sabit hava şəraiti ilə əlaqədar 740 aviareys ləğv edilib və yaxud təxirə salınıb.
Şəhərdəki məktəblər, dövlət idarələri və Honqkonq fond birjası bağlanıb.
Qeyd edək ki, bundan əvvəl “Sarika” qasırğası Çinin cənub bölgəsində ciddi fəsadlar törədib. İlkin hesablamalara görə, qasırğanın vurduğu ziyan 813 milyon dollar təşkil edir.
