Aktual mövzular: Dollar alış-satışı , Hava haqqında, Məzənnə, Neftin qiyməti

Amerikanın yeni prezidentinin kimliyinin Azərbaycan üçün fərqi

Amerikanın yeni prezidentinin kimliyinin Azərbaycan üçün fərqi

Date: 2 November 2016 07:17

Amerika Birləşmiş Ştatlarında (ABŞ) seçki marafonu bitmək üzrədir. Əsas namizədlər - respublikaçı milyarder Donald Tramp və demokrat, sabiq prezident xanımı Hillari Klintonun prezident postu uğrundaki mübarizəsi finişə yaxınlaşır. Artıq bir həftədən sonra, noyabrın 8-də keçiriləcək seçkilərin nəticələri əsasında ABŞ-ın 46-cı prezidentinin adına aydınlıq gələcək.

"Seçkilərdə kimin qalib gəlməsindən asılı olmayaraq, ABŞ-ın hər bir prezidenti Amerika ilə Azərbaycanın tərəfdaşlığını gücləndirməyə çalışmalıdır. Bu, ABŞ-ın özünün milli maraqları ilə bağlıdır".

Bunu Milli.Az-a açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin, eləcə də Azərbaycan-ABŞ parlamentlərarası əlaqələr üzrə işçi qrupunun üzvü Asim Mollazadə deyib:  

"Çünki Azərbaycan regionda ən önəmli ölkələrdən biridir. Azərbaycan antiterror koalisiyasının fəal üzvüdür və ABŞ-ın milli təhlükəsizliyi üçün çox önəmli ölkədir. Ona görə də ABŞ-da kimin prezident seçilməsindən asılı olmayaraq, əminəm ki, Azərbaycan-Amerika münasibətləri inkişaf istiqamətində davam edəcək və hazırda olduğu səviyyədən də çox əməkdaşlıq olacaq".

Millət vəkili hətta qeyri-standartlığı ilə fərqlənən Donald Trampın da seçiləcəyi təqdirdə bunun iki ölkə arasındakı münasibətlərə mənfi təsir edəcəyini düşünmür: "Çünki hazırda ABŞ-ın hazırkı dövlət katibi vaxtilə Azərbaycana qarşı qəbul edilmiş məşhur "907-ci düzəliş"in müəlliflərindən biridir. Buna baxmayaraq, ölkələrimiz arasında münasibətlər davam etdirilir. Təbii ki, biz bəzi mənfi çalarların şahidi olduq, lakin ABŞ-da da bunu anlayaraq ös siyasətlərində müəyyən dəyişiklik edə biliblər. Əminəm ki, indi kimin prezident seçilməsindən asılı olmayaraq, Azərbaycanla əməkdaşlığın zəruriliyini anlayaraq bu əməkdaşlığı davam və inkişaf etdirəcəklər".

İlkin İzzət
Milli.Az


Tags:  Amerikanın yeni prezidentinin kimliyinin Azərbaycan fərqi

RƏYLƏR


Top news