Aktual mövzular: Dollar alış-satışı , Hava haqqında, Məzənnə, Neftin qiyməti

Nazirlikdən müəllimlərə xəbərdarlıq: "Onlara cavabdeh deyilik"

Nazirlikdən müəllimlərə xəbərdarlıq: "Onlara cavabdeh deyilik"

Date: 20 November 2016 11:04

İşbazların bu dəfəki hədəfi müəllimlərdir. Onlara guya diaqnostik qiymətləndirmənin sualları satılır, nəticədə müəllimlər həm imtahandan kəsilirlər, həm də onların pulları mənimsənilir. Pulunu ödə, diaqnostik qiymətləndirmə imtahanına düşən sual testindən keç.

 

Lent.az-ın “Xəzər xəbər”ə istinadən məlumatına görə, bir çox saytlar, müəllimlərin diaqnostik qiymətləndirmə imtahanına düşən sualları test formasında yerləşdiriblər. Burada bütün ibtidai, Ədəbiyyat, Kimya, Fizika, Coğrafiya, hətta Tarix və başqa fənlər üzrə test sualları var. Hətta A, B, C, D variantlarına qədər. Məsələ burasındadır ki, bəzi işbazlar bu aralar müəllimlərin həssas nöqtələrindən istifadə etməyə başlayıblar.

 

Onların imtahanda uğur qazanmaq üçün hər yola baş vuracaqlarını bildiklərindən, pul qazanmaq həvəsinə düşüblər. Saytda, sistemə daxil olmaq, yəni onlayn sınaqdan keçmək üçün hesabı artırmaq şərt kimi qoyulub. İstifadəçi bütün bölmələrdən yararlanmaq üçün bir aylıq 3 manat ödəməlidir.

 

Lətafət Abdullayeva, bir neçə dəfə onların tələsinə düşüb. Hər dəfə də balansından pul silinib.

 

Təhsil Nazirliyi isə belə fırıldaqlara alət olmamaq üçün xəbərdarlıq edir. Nazirlikdən verilən məlumata görə, tədrisin keyfiyyətini yüksəltmək üçün müəllimlərin diaqnostik qiymətləndirilməsi imtahanından keçmələri vacib hesab olunur. Bu məqsədlə də nazirliyin rəsmi saytında həm forma, həm də məzmun etibarilə diaqnostik qiymətləndirmə imtahanına uyğunlaşdırılan testlər mövcuddur. Müəllimlər, heç bir ödəniş etmədən sadəcə qeydiyyatdan keçərək bu xidmətdən yararlana bilərlər. Müxtəlif saytlarda yerləşdirilən belə test suallarına nazirlik cavabdeh olmadığından, həqiqəti əks etdirməyə bilər. 


Tags:  Nazirlikdən müəllimlərə xəbərdarlıq Onlara cavabdeh deyilik


RƏYLƏR


Top news