Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Siğə düzgündürmü?

Siğə düzgündürmü?

Date: 21 November 2016 05:13

Siğə (müvəqqəti nikah) İslama qədər ki, cahiliyyət dövrünün adətlərindən biri olmuş və Allah Təala içkini tədricən mərhələli şəkildə qadağan etdiyi kimi, Peyğəmbər (sallallahu aleyhi va səlləm) də Uca Allahın hikməti, izni və istəyilə eyni ilə bu şəkildə bir müddətdən sonra siğəni haram etmişdir. Həzrəti Əli (Allah ondan razı olsun) rəvayət etmişdir ki, "Xeybərin fəthi günü Peyğəmbər (Ona və ailəsinə Allahın salamı və salavatı olsun) siğəni və ev eşşəyinin ətini yeməyi haram buyurmuşdur". (Buxari, 4216).

Publika.az-ın məlumatına görə, rəvayət edilir ki, "Qureyşli bir gənc Peyğəmbərin (Ona və ailəsinə Allahın salavatı olsun) yanına gəlib dedi: "Ey Allahın elçisi izn ver zina edim.". Səhabələr ona yaxınlaşıb sus-sus deyib kənara çəkdilər. Peyğəmbər (ona və ailəsinə Allahın salavatı olsun) dedi: "Yaxın gəl!" O yaxına gəldikdə Peyğəmbər (ona və ailəsinə Allahın salavatı olsun) dedi: "Öz anana rəva edə bilərsənmi?" O dedi: "Allaha and olsun ki, yox!" O buyurdu: "İnsanlar da öz analarına bunu rəva bilmirlər. Bunu öz qızına rəva bilərsən?" O dedi: "Allaha and olsun ki, yox!" O buyurdu: "İnsanlar da bunu öz qızlarına rəva bilməzlər. Bunu öz bacına rəva bilərsən?" O dedi: "Allaha and olsun ki, yox!" O buyurdu: "İnsanlar da bunu öz bacıları üçün rəva bilməzlər. Bunu bibin üçün rəva bilərsən?" O dedi: "Allaha and olsun ki, yox!" "İnsanlar da bunu öz bibiləri üçün rəva bilməzlər. Bunu öz xalan üçün rəva bilərsən?" O dedi: "Allaha and olsun ki, yox!" O buyurdu: "İnsanlar da bunu öz xalaları üçün rəva bilməzlər". Sonra Peyğəmbər (ona və ailəsinə Allahın salavatı olsun) əlini onun çiyninə qoyub dedi: "Allahım Onun günahlarını bağışla, qəlbini təmizlə və ismətini qoru. Bu hadisədən sonra o gənc heç vaxt zinaya meyl etmədi". (Əhməd. Müsnəd 5/256)

zikr.az


Tags:  Siğə düzgündürmü


RƏYLƏR


Top news