Aktual mövzular: Dollar alış-satışı , Hava haqqında, Məzənnə, Neftin qiyməti

Baş konsul Batumi Dövlət Universitetində mühazirə oxuyub

Baş konsul Batumi Dövlət Universitetində mühazirə oxuyub

Date: 25 November 2016 19:04

Azərbaycanın Batumi şəhərindəki baş konsulu Rəşad İsmayılov Şota Rustaveli Batumi Dövlət Universitetində “Heydər Əliyev adına Azərbaycanşünaslıq Mərkəzi” auditoriyasında tələbələr qarşısında “Beynəlxaql münasibətlərdə Azərbaycan diplomatiyası” mövzusunda mühazirə oxuyib.

 

Lent.az-ın məlumatına görə, mühazirədə baş konsul Rəşad İsmayılov Azərbaycanın sürətli inkişafı, apardığı stabil siyasətlə dünya ictimaiyyətinin diqqətində olduğunu, ölkəmizin iştirakı olmadan hər hansı regional layihənin həyata keçirilməsinin qeyri-mümkünlüyünü bildirib. Azərbaycanın bütün dövlətlərlə bərabər prinsiplər əsasında müstəqil xarici siyasət yeritməsinə toxunan baş konsul, ölkənin iqtisadi və hərbi qüdrətinin yüksəldiyini, yaxın qonşularla sülh şəraitində yaşamaqda, dostluq münasibətləri yaratmaqda maraqlı olduğunu qeyd edib. Ermənistan-Azərbaycan, Dağlıq Qarabağ münaqişəsindən ətraflı bəhs edən baş konsul, Ermənistanın ölkəyə qarşı ərazi iddiasında olduğunu, Azərbaycan ərazisinin 20 faizini işğal etdiyini, təcavüzkar dövlətin Birləşmiş Millətlər Təşkilatınnın Təhlükəsizlik Şurasının işğal olunmuş Azərbaycan ərazilərini danışıqsız və heç bir şərt qoymadan azad etməsi barədə dörd qətnaməsinə məhəl qoymadığını vurğulayıb.

 

Rəşad İsmayılov tələbələrin Azərbaycanın xarici siyasəti, Avropanın enerji təminatında ölkəmizin rolu, Ermənistan-Azərbaycan, Dağıq Qarabağ münaqişəsi və digər məsələlərlə bağlı suallarına ətraflı cavab verib.

 





Tags:  Baş konsul Batumi Dövlət Universitetində mühazirə oxuyub



RƏYLƏR


Top news