Sarkisyandan orduya TƏLİMAT, Moskvaya BÖYÜK ZƏRBƏ... – GÜNÜN SİYASİ XÜLASƏSİ

Dekabrın 12-si dünya şöhrətli siyasi xadim Heydər Əliyevin anım günüdür. Ulu öndərin əbədiyyətə qovuşmasından 13 il ötür. Türkiyənin İstanbul şəhərində dekabrın 10-da törədilən terror aktı nəticəsində həlak olanların sayı artıb. Suriya ordusunun qədim Palmira şəhərindən çəkildiyi rəsmən təsdiqlənib. Ötən həftə üç gün ərzində Azərbaycanın işğal altındakı ərazilərinə baş çəkib İrəvana geri qayıdan Ermənistan prezidenti Serj Sarkisyan ordu və əhalidən “çətin dövr”ə hazır olmasını istəyib.

Heydər Əliyev fenomeni: FOTOLARDA ƏBƏDİLƏŞƏN ANLAR

Ulu öndər Heydər Əliyevin əbədiyyətə qovuşmasından 13 il ötür. Bu itki yalnız cismanidir. Mənən isə Heydər Əliyev yenə xalqı ilə birlikdədir, öz parlaq ideyaları ilə yollarımızı işıqlandırmaqdadır. Qurduğu dövlət zamanın ən çətin sınaqlarına davam gətirə biləcək qədər güclü və qüdrətlidir. Ötən illər bu həqiqəti dönə-dönə təsdiqləyib.

Heydər Əliyev fenomeni təkcə bir məkanla, Azərbaycanla məhdudlaşmır. O, hələ sağlığında əfsanələşən nadir şəxsiyyətlərdən biridir. Biz dünyanın məşhur simalarının – dövlət xadimlərinin, siyasətçilərin, elm, ədəbiyyat və incəsənət adamlarının bu dahi şəxsiyyət haqqında necə heyranlıqla, ehtiramla danışdıqlarının şahidiyik. Heydər Əliyev siyasət aləminin patriarxı, tarixin gedişinə təsir göstərmək qüdrətinə, polad iradəyə malik yenilməz şəxsiyyət kimi səciyyələndirilir.

Heydər Əliyev fenomeni: FOTOLARDA ƏBƏDİLƏŞƏN ANLAR

Ulu öndər Heydər Əliyevin əbədiyyətə qovuşmasından 13 il ötür.

Azərbaycan Müdafiə Nazirliyinin məlumatına görə, dekabrın 12-si cəbhənin Füzuli rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus pilotsuz uçuş aparatı (PUA) bölmələrimizin sayıqlığı nəticəsində vaxtında aşkar olunaraq atəşlə məhv edilib.

Markov: “Rusiya Qarabağ problemini həll etməlidir”

Moskva Dövlət Beynəlxalq Münasibətlər İnstitutunda (MDBMİ) “Rusiyanın xarici siyasəti - 25 il” mövzusunda konfrans çərçivəsində Azərbaycan-Rus Mədəniyyət və Həmrəylik Mərkəzi tərəfindən təşkil edilmiş “Rusiya ilə Azərbaycan arasında humanitar münasibətlər – 25 il” mövzusunda dəyirmi masa keçirilib.

Dəyirmi masanın moderatoru, Siyasi Araşdırmalar İnstitutunun baş direktoru Sergey Markov diskussiyanı açaraq diqqəti ona yönəldib ki, regionun lider ölkəsi olan Rusiya bu məkanda baş verən hadisələrə görə məsuliyyət daşımalıdır. Onun fikrincə, Rusiya öz yaxın qonşuları ilə münasibətlərinə ciddi şəkildə yenidən baxmalı və bu münasibətlər yenilənməlidir. S.Markov deyib: “Əgər Rusiya liderdirsə, o, məsuliyyət daşımalıdır. O, problemləri, o cümlədən Dağlıq Qarabağ problemini həll etməlidir. Bu problem daim havadan asılı vəziyyətdə qalmamalıdır”.

Dağlıq Qarabağ münaqişəsinə dair heç bir danışıqlar aparılmır, ordu, əhali çətin dövrə hazır olmalıdır. Bu barədə ötən həftə üç gün ərzində Azərbaycanın işğal altındakı ərazilərinə baş çəkib İrəvana geri qayıdan Ermənistan prezidenti Serj Sarkisyan bəyan edib.

“Azadlıq” radiosunun erməni xidmətinin məlumatına əsasən İrəvanda mədəniyyət xadimləri qarşısında çıxış edən Sərkisyan bildirib ki, Dağlıq Qarabağa dair nəinki heç bir danışıqlar aparılmır, üstəlik bu məsələ ilə bağlı sonuncu dəfə avqustun 10-da ciddi söhbət olub. “Bundan sonra problemə dair heç bir ciddi müzakirələr aparılmayıb”-Sərkisyan bildirib.

İstanbuldakı terror aktını törədənlərə ABŞ təlim keçib – ŞOK İDDİA

İstanbulda dekabrın 10-da törədilən terror aktı gündəmin əsas mövzulardan biridir. Türkiyənin “Yeni Şafak” nəşri yazıb ki, Türkiyəni ABŞ və Qərbin dəstəyini alan terror təşkilatları ilə vurmağa çalışırlar. Avropa ölkələri PKK, FETÖ və DHKP/C kimi terror təşkilatlarını qoruyur, terrorçulara sığınacaq verir.

Nəşr qeyd edir ki, Avropa ölkələrinin bəslədiyi terror Türkiyənin şəhərlərini hədəf alıb: “ABŞ və Almaniya Suriyada İŞİD-lə mübarizə adı altında PKK terror təşkilatının Suriya qolu olan PYD-yə silah və milyonlarla dollar maliyyə yardımı edir. Bu yardım döyüş meydanında da özünü göstərir. ABŞ əsgərləri PKK-çılarla çiyin-çiyinə döyüşlərə qatılır, xüsusi əməliyyatlar həyata keçirir”.

Terror aktına görə məsuliyyəti PKK terror təşkilatının bir qanadı sayılan TAK öz üzərinə götürüb.

İstanbuldakı terror aktını törədənlərə ABŞ təlim keçib – ŞOK İDDİA

Türkiyəni ABŞ və Qərbin dəstəyini alan terror təşkilatları ilə vurmağa çalışırlar.

Xaos planı və İstanbul hücumundakı 5 SİRR - TƏHLİL

Türkiyəni yenə qəlbindən vurdular. Bu gözlənilən idimi? Proseslərin inkişafı nələrinsə olacağına işarə edirdi. ABŞ-da prezident seçkiləri və Donald Trampın qalibiyyəti, Avropada daxili çaxnaşmalar Türkiyənin bir qədər “nəfəs alması”na imkan verdi və Ankara yaranmış şəraitdən istifadə edərək, hədəflərinə doğru daha sürətli addımlarla irəliləyirdi. Xüsusilə 15 iyul hadisələrindən sonra oyanan Türkiyə Qərbə qarşı qəti addımlar atdı. Lakin bu addımların qarşısında Qərbin qəribə sakitliyi müşahidə olunurdu. Və bu sakitlik dekabrın 10-da pozuldu. İstanbulda baş verən terror aktında 40-dan çox insan həlak oldu, 150-dən çox insan yaralandı. Türkiyə xalqı matəm içindədir və hələ də əvəz ödəyir.

Xaos planı və İstanbul hücumundakı 5 SİRR - TƏHLİL

Türkiyəni yenə qəlbindən vurdular. Bu gözlənilən idimi?

Türkiyənin İstanbul şəhərində dekabrın 10-da qanlı terror aktı törədildi. Son məlumatlara görə, terror aktında ölənlərin sayı 44-ə çatıb. Yaralıların sayı isə 155-dir. Hücuma görə məsuliyyəti PKK terror təşkilatının bir qanadı sayılan TAK öz üzərinə götürüb.

Qərb isə istər siyasi, istərsə də media müstəvisində özünü çox susqun aparır. Rəsmilər Türkiyə rəhbərliyinə hadisə ilə bağlı üzüntülərini dilə gətirsələr də, bu, Fransa, Belçika, ABŞ və digər ölkələrdə törədilən terror aktlarına olan münasibətlə eyni deyil. Elə media da siyasilərdən fərqli davranmır, terrorçularla terrora məruz qalanlar eyniləşdirilir, hətta PKK-lılara “məzlum” donu geyindirilir, 44 nəfərin həyatını itirdiyi hadisəyə bir neçə nəfərin əlbəyaxa davası kimi baxırlar.

Türkiyədə törədilən terror aktlarına Qərbin səssizliyi, yaxud da lazım olan səviyyədə reaksiyanın verilməməsi nə ilə bağlıdır? "Azəri-Türk" Qadınlar Birliyinin sədri Tənzilə Rüstəmxanlı, millət vəkili Asim Mollazadə və Azərbaycan Milli Strateji Təhqiqatlar Mərkəzinin sədri Natiq Miri Publika.az-a açıqlamasında bu suala cavab verib.

“Türklərə qarşı düşmənçiliyin minillik tarixi var” – ŞƏRHLƏR

Hücuma görə məsuliyyəti PKK terror təşkilatının bir qanadı sayılan TAK öz üzərinə götürüb.

Türkiyədə Xalqların Demokratik Partiyasının (HDP) vilayət və mahal liderlərinə qarşı genişmiqyaslı əməliyyat həyata keçirilib. Əməliyyatın gedişatında 118 nəfər HDP-li saxlanılıb.

İstanbulda aralarında HDP-nin İstanbul vilayəti üzrə qərargahının rəhbəri Aysel Guzelin də olduğu 20 nəfər tutulub. Bundan başqa, Ankarada 17, Adanada 25, Mersində 51 nəfər PKK terror təşkilatına üzv olmaqda və təşkilatı təbliğ etməkdə şübhəli bilinərək saxlanılıb.

İstanbulun Beşiktaş rayonunda baş verən terror hücumundan sonra sosial şəbəkələrdə terroru dəstəkləyən 235 nəfər həbs edilib.

Suriya cəbhəsi

Suriyada isə vəziyyət getdikcə çıxılmaz hala gəlir. İŞİD terror qruplaşması Suriyanın Palmira şəhərini tutaraq qərb istiqamətində irəliləməyə başlayıb.

“Al-Masdar” nəşrinin yazdığına görə, Suriya ordusunun bölmələri şəhərin qərbində möhkəmlənib. Hökumət qoşunları əks-hücum imkanını araşdırırlar. Nəşr bildirir ki, Suriyanın hərbi komandanlığında iki variant var: şəhərin kənarlarını minalamaq, yaxud Palmiranın ətrafındakı hündürlüklərin ələ keçirilməsinə imkan vermədən Rusiya və Suriya aviasiyasının köməyi ilə İŞİD-ə zərbələr endirmək və ildırımsürətli əks-hücuma keçmək.

Bununla belə, “Al-Masdar” qeyd edir ki, istənilən müvəffəqiyyətli əks-hücum üçün Suriya ordusunun Hələb şəhərindəki ən bacarıqlı hissələrinin Palmiraya göndərməsi tələb olunacaq.

İŞİD qərbə doğru irəliləməyə başladı – Əsədin Hələb planına AĞIR ZƏRBƏ

Hökumət bu şəhərdən ötrü 40 minlik qüvvə topladığını bildirir.

Bu, heç şübhəsiz ki, Palmiranın itirilməsi ilk növbədə Rusiyanın Suriya hərbi kampaniyasına çox böyük zərbədir. Həm də imic baxımından dəhşətli zərbədir. Çünki Rusiyanın 2015-ci ilin sentyabrından bəri Suriyada apardığı, milyardlarla dolların xərcləndiyi və rəsmi olaraq təsdiqlənməsə də muzdluların qismində çoxsaylı itkilərlə müşaiyət olunan hərbi kampaniyanın ən ciddi nailiyyəti Palmiranın azad edilməsi idi.

Suriyanın hökumət gücləri isə Hələbdə müxalifətin əlindəki ərazilərin 98 faizini ələ keçirib. Dəməşq rejim Hələbin azad edilməsi üçün keçirilən əməliyyatda son addımın atıldığını elan edib. Ekspertlər hesab edir ki, Hələbin itirilməsi müxalifət gücləri üçün sarsıdıcı zərbə olacaq və ölkədə 6 ilə yaxındır davam edən vətəndaş müharibəsində son mərhələ başlayacaq.

Qızğın silahlanma yarışı bağlayır – QORXUNC XƏBƏRDARLIQ

Şimali Atlantika İttifaqının (NATO) hərbi xərclərini artırması qızğın silahlanmaya gətirib çıxaracaq. Belə xəbərdarlıqla Moskva Dövlət Universitetinin dünya siyasəti fakultəsinin dosenti Aleksey Fenenko çıxış edib.

Daha əvvəl “Financial Times” nəşri “Jane"s Defence Budget”ə istinadən bildirib ki, Rusiya bu il müdafiəyə 48,5 milyard dollar xərcləyərək 1990-cı illərdən bu yana ilk dəfə ilk beşliyə düşməyib. Bu siyahıda birinci yerdə 622 milyard dollarla ABŞ dayanır. Məruzəyə əsasən, son altı il ərzində ilk dəfə Qərbi Avropa ölkələrində müdafiə xərcləri artıb.

Tramp 37 il sonra bunu ilk dəfə etdi – Amerika ŞOKDA

Tayvan lideri Tsai İnq-ven ilə telefon söhbətindən sonra ABŞ-ın yeni prezidenti Donald Tramp “Tək Çin” siyasətinə dəyişiklik ediləcəyi haqda siqnal verdi. Trampın bu açıqlaması Pekində ciddi narazılıq yaradıb.

Tramp 37 il sonra bunu ilk dəfə etdi – Amerika ŞOKDA

Tayvan lideri Tsai İnq-ven ilə telefon söhbətindən sonra ABŞ-ın yeni prezidenti Donald Tramp “Tək Çin” siyasətinə dəyişiklik ediləcəyi haqda siqnal verdi.

İsrailin baş naziri Benyamin Netanyahu ABŞ-ın İranla nüvə razılaşmasından çıxması üçün bir neçə üsul hazırlayıb. Baş nazir bu haqda CBS kanalına müsahibəsində bildirib. İsrailin baş naziri ABŞ-ın nüvə razılaşmasından çıxması üçün bir neçə üsulun mövcud olduğunu düşünür və onları ABŞ-ın yeni seçilmiş prezidenti Donald Trampla müzakirə etməyi planlaşdırır.

Netanyahu: “Bunun üçün məndə beş üsul var”

İsrailin baş naziri ABŞ-ın İranla nüvə razılaşmasından çıxması üçün bir neçə üsul hazırlayıb.

İsrail baş naziri həmçinin deyib ki, Obama dövrünün İsrail üçün sərfəli olmadığını düşünür və Vaşinqtondan İran məsələsinə çarə istəyir. “Mən Trampı çox yaxşı tanıyıram. O, yəhudi dövləti və xalqına çox xoş münasibət bəsləyir. Bizim Obama dövründə ABŞ-la bir çox fikir ayrılığımız olub. Mən əvvəlki kimi İranla imzalanan nüvə razılaşmasına qarşıyam. Düşünürəm ki, bu razılaşma İranın nüvə silahına doğru yolunu daha da açır”, - deyə İsrailin baş naziri vurğulayıb.

İsrailin baş naziri Benyamin Netanyahunun sabah Azərbaycana nəzərdə tutulan səfəri zamanı müzakirə olunacaq əsas məsələrdən biri də İsrail-Fələstin münaqişəsi olacaq. Danışıqlarda İsrail-Fələstin münaqişəsi ilə bağlı tərəflər fikir mübadiləsi aparacaq, Azərbaycan hər iki tərəflə normal münasibətlər saxlayan, həmçinin İslam dövləti olaraq, problemin həlli üçün öz barışdırıcı missiyasını təklif edəcək.

Qeyd edək ki, Azərbaycan beynalxalq hüquqa uyğun olaraq, habelə BMTsənədlərinə əsaslanaraq Fələstinin haqlı mövqeyini hər zaman dəstəklədiyini bəyan edib.

Ömər Dağlı

Dekabrın 12-si dünya şöhrətli siyasi xadim Heydər Əliyevin anım günüdür. Ulu öndərin əbədiyyətə qovuşmasından 13 il ötür. Türkiyənin İstanbul şəhərində dekabrın 10-da törədilən terror aktı nəticəsində həlak olanların sayı artıb. Suriya ordusunun qədim Palmira şəhərindən çəkildiyi rəsmən təsdiqlənib. Ötən həftə üç gün ərzində Azərbaycanın işğal altındakı ərazilərinə baş çəkib İrəvana geri qayıdan Ermənistan prezidenti Serj Sarkisyan ordu və əhalidən “çətin dövr”ə hazır olmasını istəyib.

Heydər Əliyev fenomeni: FOTOLARDA ƏBƏDİLƏŞƏN ANLAR

Ulu öndər Heydər Əliyevin əbədiyyətə qovuşmasından 13 il ötür. Bu itki yalnız cismanidir. Mənən isə Heydər Əliyev yenə xalqı ilə birlikdədir, öz parlaq ideyaları ilə yollarımızı işıqlandırmaqdadır. Qurduğu dövlət zamanın ən çətin sınaqlarına davam gətirə biləcək qədər güclü və qüdrətlidir. Ötən illər bu həqiqəti dönə-dönə təsdiqləyib.

Heydər Əliyev fenomeni təkcə bir məkanla, Azərbaycanla məhdudlaşmır. O, hələ sağlığında əfsanələşən nadir şəxsiyyətlərdən biridir. Biz dünyanın məşhur simalarının – dövlət xadimlərinin, siyasətçilərin, elm, ədəbiyyat və incəsənət adamlarının bu dahi şəxsiyyət haqqında necə heyranlıqla, ehtiramla danışdıqlarının şahidiyik. Heydər Əliyev siyasət aləminin patriarxı, tarixin gedişinə təsir göstərmək qüdrətinə, polad iradəyə malik yenilməz şəxsiyyət kimi səciyyələndirilir.

Heydər Əliyev fenomeni: FOTOLARDA ƏBƏDİLƏŞƏN ANLAR

Ulu öndər Heydər Əliyevin əbədiyyətə qovuşmasından 13 il ötür.

Azərbaycan Müdafiə Nazirliyinin məlumatına görə, dekabrın 12-si cəbhənin Füzuli rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus pilotsuz uçuş aparatı (PUA) bölmələrimizin sayıqlığı nəticəsində vaxtında aşkar olunaraq atəşlə məhv edilib.

Markov: “Rusiya Qarabağ problemini həll etməlidir”

Moskva Dövlət Beynəlxalq Münasibətlər İnstitutunda (MDBMİ) “Rusiyanın xarici siyasəti - 25 il” mövzusunda konfrans çərçivəsində Azərbaycan-Rus Mədəniyyət və Həmrəylik Mərkəzi tərəfindən təşkil edilmiş “Rusiya ilə Azərbaycan arasında humanitar münasibətlər – 25 il” mövzusunda dəyirmi masa keçirilib.

Dəyirmi masanın moderatoru, Siyasi Araşdırmalar İnstitutunun baş direktoru Sergey Markov diskussiyanı açaraq diqqəti ona yönəldib ki, regionun lider ölkəsi olan Rusiya bu məkanda baş verən hadisələrə görə məsuliyyət daşımalıdır. Onun fikrincə, Rusiya öz yaxın qonşuları ilə münasibətlərinə ciddi şəkildə yenidən baxmalı və bu münasibətlər yenilənməlidir. S.Markov deyib: “Əgər Rusiya liderdirsə, o, məsuliyyət daşımalıdır. O, problemləri, o cümlədən Dağlıq Qarabağ problemini həll etməlidir. Bu problem daim havadan asılı vəziyyətdə qalmamalıdır”.

Dağlıq Qarabağ münaqişəsinə dair heç bir danışıqlar aparılmır, ordu, əhali çətin dövrə hazır olmalıdır. Bu barədə ötən həftə üç gün ərzində Azərbaycanın işğal altındakı ərazilərinə baş çəkib İrəvana geri qayıdan Ermənistan prezidenti Serj Sarkisyan bəyan edib.

“Azadlıq” radiosunun erməni xidmətinin məlumatına əsasən İrəvanda mədəniyyət xadimləri qarşısında çıxış edən Sərkisyan bildirib ki, Dağlıq Qarabağa dair nəinki heç bir danışıqlar aparılmır, üstəlik bu məsələ ilə bağlı sonuncu dəfə avqustun 10-da ciddi söhbət olub. “Bundan sonra problemə dair heç bir ciddi müzakirələr aparılmayıb”-Sərkisyan bildirib.

İstanbuldakı terror aktını törədənlərə ABŞ təlim keçib – ŞOK İDDİA

İstanbulda dekabrın 10-da törədilən terror aktı gündəmin əsas mövzulardan biridir. Türkiyənin “Yeni Şafak” nəşri yazıb ki, Türkiyəni ABŞ və Qərbin dəstəyini alan terror təşkilatları ilə vurmağa çalışırlar. Avropa ölkələri PKK, FETÖ və DHKP/C kimi terror təşkilatlarını qoruyur, terrorçulara sığınacaq verir.

Nəşr qeyd edir ki, Avropa ölkələrinin bəslədiyi terror Türkiyənin şəhərlərini hədəf alıb: “ABŞ və Almaniya Suriyada İŞİD-lə mübarizə adı altında PKK terror təşkilatının Suriya qolu olan PYD-yə silah və milyonlarla dollar maliyyə yardımı edir. Bu yardım döyüş meydanında da özünü göstərir. ABŞ əsgərləri PKK-çılarla çiyin-çiyinə döyüşlərə qatılır, xüsusi əməliyyatlar həyata keçirir”.

Terror aktına görə məsuliyyəti PKK terror təşkilatının bir qanadı sayılan TAK öz üzərinə götürüb.

İstanbuldakı terror aktını törədənlərə ABŞ təlim keçib – ŞOK İDDİA

Türkiyəni ABŞ və Qərbin dəstəyini alan terror təşkilatları ilə vurmağa çalışırlar.

Xaos planı və İstanbul hücumundakı 5 SİRR - TƏHLİL

Türkiyəni yenə qəlbindən vurdular. Bu gözlənilən idimi? Proseslərin inkişafı nələrinsə olacağına işarə edirdi. ABŞ-da prezident seçkiləri və Donald Trampın qalibiyyəti, Avropada daxili çaxnaşmalar Türkiyənin bir qədər “nəfəs alması”na imkan verdi və Ankara yaranmış şəraitdən istifadə edərək, hədəflərinə doğru daha sürətli addımlarla irəliləyirdi. Xüsusilə 15 iyul hadisələrindən sonra oyanan Türkiyə Qərbə qarşı qəti addımlar atdı. Lakin bu addımların qarşısında Qərbin qəribə sakitliyi müşahidə olunurdu. Və bu sakitlik dekabrın 10-da pozuldu. İstanbulda baş verən terror aktında 40-dan çox insan həlak oldu, 150-dən çox insan yaralandı. Türkiyə xalqı matəm içindədir və hələ də əvəz ödəyir.

Xaos planı və İstanbul hücumundakı 5 SİRR - TƏHLİL

Türkiyəni yenə qəlbindən vurdular. Bu gözlənilən idimi?

Türkiyənin İstanbul şəhərində dekabrın 10-da qanlı terror aktı törədildi. Son məlumatlara görə, terror aktında ölənlərin sayı 44-ə çatıb. Yaralıların sayı isə 155-dir. Hücuma görə məsuliyyəti PKK terror təşkilatının bir qanadı sayılan TAK öz üzərinə götürüb.

Qərb isə istər siyasi, istərsə də media müstəvisində özünü çox susqun aparır. Rəsmilər Türkiyə rəhbərliyinə hadisə ilə bağlı üzüntülərini dilə gətirsələr də, bu, Fransa, Belçika, ABŞ və digər ölkələrdə törədilən terror aktlarına olan münasibətlə eyni deyil. Elə media da siyasilərdən fərqli davranmır, terrorçularla terrora məruz qalanlar eyniləşdirilir, hətta PKK-lılara “məzlum” donu geyindirilir, 44 nəfərin həyatını itirdiyi hadisəyə bir neçə nəfərin əlbəyaxa davası kimi baxırlar.

Türkiyədə törədilən terror aktlarına Qərbin səssizliyi, yaxud da lazım olan səviyyədə reaksiyanın verilməməsi nə ilə bağlıdır? "Azəri-Türk" Qadınlar Birliyinin sədri Tənzilə Rüstəmxanlı, millət vəkili Asim Mollazadə və Azərbaycan Milli Strateji Təhqiqatlar Mərkəzinin sədri Natiq Miri Publika.az-a açıqlamasında bu suala cavab verib.

“Türklərə qarşı düşmənçiliyin minillik tarixi var” – ŞƏRHLƏR

Hücuma görə məsuliyyəti PKK terror təşkilatının bir qanadı sayılan TAK öz üzərinə götürüb.

Türkiyədə Xalqların Demokratik Partiyasının (HDP) vilayət və mahal liderlərinə qarşı genişmiqyaslı əməliyyat həyata keçirilib. Əməliyyatın gedişatında 118 nəfər HDP-li saxlanılıb.

İstanbulda aralarında HDP-nin İstanbul vilayəti üzrə qərargahının rəhbəri Aysel Guzelin də olduğu 20 nəfər tutulub. Bundan başqa, Ankarada 17, Adanada 25, Mersində 51 nəfər PKK terror təşkilatına üzv olmaqda və təşkilatı təbliğ etməkdə şübhəli bilinərək saxlanılıb.

İstanbulun Beşiktaş rayonunda baş verən terror hücumundan sonra sosial şəbəkələrdə terroru dəstəkləyən 235 nəfər həbs edilib.

Suriya cəbhəsi

Suriyada isə vəziyyət getdikcə çıxılmaz hala gəlir. İŞİD terror qruplaşması Suriyanın Palmira şəhərini tutaraq qərb istiqamətində irəliləməyə başlayıb.

“Al-Masdar” nəşrinin yazdığına görə, Suriya ordusunun bölmələri şəhərin qərbində möhkəmlənib. Hökumət qoşunları əks-hücum imkanını araşdırırlar. Nəşr bildirir ki, Suriyanın hərbi komandanlığında iki variant var: şəhərin kənarlarını minalamaq, yaxud Palmiranın ətrafındakı hündürlüklərin ələ keçirilməsinə imkan vermədən Rusiya və Suriya aviasiyasının köməyi ilə İŞİD-ə zərbələr endirmək və ildırımsürətli əks-hücuma keçmək.

Bununla belə, “Al-Masdar” qeyd edir ki, istənilən müvəffəqiyyətli əks-hücum üçün Suriya ordusunun Hələb şəhərindəki ən bacarıqlı hissələrinin Palmiraya göndərməsi tələb olunacaq.

İŞİD qərbə doğru irəliləməyə başladı – Əsədin Hələb planına AĞIR ZƏRBƏ

Hökumət bu şəhərdən ötrü 40 minlik qüvvə topladığını bildirir.

Bu, heç şübhəsiz ki, Palmiranın itirilməsi ilk növbədə Rusiyanın Suriya hərbi kampaniyasına çox böyük zərbədir. Həm də imic baxımından dəhşətli zərbədir. Çünki Rusiyanın 2015-ci ilin sentyabrından bəri Suriyada apardığı, milyardlarla dolların xərcləndiyi və rəsmi olaraq təsdiqlənməsə də muzdluların qismində çoxsaylı itkilərlə müşaiyət olunan hərbi kampaniyanın ən ciddi nailiyyəti Palmiranın azad edilməsi idi.

Suriyanın hökumət gücləri isə Hələbdə müxalifətin əlindəki ərazilərin 98 faizini ələ keçirib. Dəməşq rejim Hələbin azad edilməsi üçün keçirilən əməliyyatda son addımın atıldığını elan edib. Ekspertlər hesab edir ki, Hələbin itirilməsi müxalifət gücləri üçün sarsıdıcı zərbə olacaq və ölkədə 6 ilə yaxındır davam edən vətəndaş müharibəsində son mərhələ başlayacaq.

Qızğın silahlanma yarışı bağlayır – QORXUNC XƏBƏRDARLIQ

Şimali Atlantika İttifaqının (NATO) hərbi xərclərini artırması qızğın silahlanmaya gətirib çıxaracaq. Belə xəbərdarlıqla Moskva Dövlət Universitetinin dünya siyasəti fakultəsinin dosenti Aleksey Fenenko çıxış edib.

Daha əvvəl “Financial Times” nəşri “Jane"s Defence Budget”ə istinadən bildirib ki, Rusiya bu il müdafiəyə 48,5 milyard dollar xərcləyərək 1990-cı illərdən bu yana ilk dəfə ilk beşliyə düşməyib. Bu siyahıda birinci yerdə 622 milyard dollarla ABŞ dayanır. Məruzəyə əsasən, son altı il ərzində ilk dəfə Qərbi Avropa ölkələrində müdafiə xərcləri artıb.

Tramp 37 il sonra bunu ilk dəfə etdi – Amerika ŞOKDA

Tayvan lideri Tsai İnq-ven ilə telefon söhbətindən sonra ABŞ-ın yeni prezidenti Donald Tramp “Tək Çin” siyasətinə dəyişiklik ediləcəyi haqda siqnal verdi. Trampın bu açıqlaması Pekində ciddi narazılıq yaradıb.

Tramp 37 il sonra bunu ilk dəfə etdi – Amerika ŞOKDA

Tayvan lideri Tsai İnq-ven ilə telefon söhbətindən sonra ABŞ-ın yeni prezidenti Donald Tramp “Tək Çin” siyasətinə dəyişiklik ediləcəyi haqda siqnal verdi.

İsrailin baş naziri Benyamin Netanyahu ABŞ-ın İranla nüvə razılaşmasından çıxması üçün bir neçə üsul hazırlayıb. Baş nazir bu haqda CBS kanalına müsahibəsində bildirib. İsrailin baş naziri ABŞ-ın nüvə razılaşmasından çıxması üçün bir neçə üsulun mövcud olduğunu düşünür və onları ABŞ-ın yeni seçilmiş prezidenti Donald Trampla müzakirə etməyi planlaşdırır.

Netanyahu: “Bunun üçün məndə beş üsul var”

İsrailin baş naziri ABŞ-ın İranla nüvə razılaşmasından çıxması üçün bir neçə üsul hazırlayıb.

İsrail baş naziri həmçinin deyib ki, Obama dövrünün İsrail üçün sərfəli olmadığını düşünür və Vaşinqtondan İran məsələsinə çarə istəyir. “Mən Trampı çox yaxşı tanıyıram. O, yəhudi dövləti və xalqına çox xoş münasibət bəsləyir. Bizim Obama dövründə ABŞ-la bir çox fikir ayrılığımız olub. Mən əvvəlki kimi İranla imzalanan nüvə razılaşmasına qarşıyam. Düşünürəm ki, bu razılaşma İranın nüvə silahına doğru yolunu daha da açır”, - deyə İsrailin baş naziri vurğulayıb.

İsrailin baş naziri Benyamin Netanyahunun sabah Azərbaycana nəzərdə tutulan səfəri zamanı müzakirə olunacaq əsas məsələrdən biri də İsrail-Fələstin münaqişəsi olacaq. Danışıqlarda İsrail-Fələstin münaqişəsi ilə bağlı tərəflər fikir mübadiləsi aparacaq, Azərbaycan hər iki tərəflə normal münasibətlər saxlayan, həmçinin İslam dövləti olaraq, problemin həlli üçün öz barışdırıcı missiyasını təklif edəcək.

Qeyd edək ki, Azərbaycan beynalxalq hüquqa uyğun olaraq, habelə BMTsənədlərinə əsaslanaraq Fələstinin haqlı mövqeyini hər zaman dəstəklədiyini bəyan edib.

Ömər Dağlı