Monteneqronun paytaxtı Podqoritsa şəhəri yaxınlığında yerli sakinlərlə miqrantlar arasında kütləvi dava baş verib.
APA-nın RİA Novosti agentliyinə istinadən verdiyi xəbərə görə, münaqişə miqrantların məskunlaşdığı Spuj qəsəbəsində qeydə alınıb.
İnsident nəticəsində Pakistan vətəndaşı ağır kəllə-beyin travması, daha bir neçə nəfər müxtəlif bədən xəsarətləri alıb. Polis kütləni dağıtmaq üçün havaya atəş açmaq məcburiyyətində qalıb. Hadisənin baş verməsinə görə tərəflər bir-birilərini ittiham edirlər. Faktla bağlı polis araşdırma aparır.
