Türkiyənin Kütahya şəhərində törədilmiş qətlin üstü açılıb. Lent.az Türkiyə mediasına istinadən xəbər verir ki, şəhərin Yunus Emre məhəlləsində 25 yaşlı İsmayıl Yavuzun orada yaşayan ər-arvad tərəfindən bıçaqlanaraq öldürüldüyü məlum olub. Meyitin tapıldığı evin sahibi olan 38 yaşlı Mehmet və onun 34 yaşlı həyat yoldaşı Əminə həbs edilib.
İlkin araşdırma zamanı məlum olub ki, 38 yaşlı kişi arvadının İsmayılla görüşdüyünü və onların arasında sevgi münasibətinin olduğunu öyrənib. Daha sonra o, həyat yoldaşının telefonundan gənc oğlana mesaj yazaraq onu evə çağırıb. Evdə pusqu quran kişi gənci öldürüb.
Cinayətdə iştirak etdiyi güman edilən qadın da əri ilə birgə yaxalanıb.
