AFFA İntizam Komitəsinin növbəti iclası keçrilib. Fanat.Az xəbər verir ki, komitə Premyer Liqanın "Kəpəz" - AZAL oyunu ilə bağlı qərar qəbul edib.
Komitə üzvləri Premyer Liqanın XXI turunda baş tutan qarşılaşmanın videoyazısını izlədikdən sonra aşağıdakı qərarları qəbul edib:
1. Oyunun 64-cü dəqiqəsində AZAL klubunun futbolçusu Alamadine Omega Robent rəqib futbolçuya qarşı aqressiv hərəkətinə görə 3 oyun cəzalanır, klub 2400 manat cərimə olunur.
2. Hakimlər Komitəsi hakim haqqında lazımi ölçü götürüb İntizam Komitəsini məlumatlandırsın.
Qeyd edək ki, matçı sabiq FIFA referisi Orxan Məmmədov idarə edib.
Fanat.Az
