Türkiyə polisi təhlükəsizlik baxımından Niderlandın Ankara və İstanbuldakı diplomatik nümayəndəliklərinə giriş-çıxışı nəzarətə götürüb. APA-nın xəbərinə görə, bu barədə Türkiyə XİN-nin məlumatında bildirilir. Bu addım Hollandiya hökumətinin Türkiyənin xarici işlər naziri Mövlud Çavuşoğlunun təyyarəsinin ölkəyə enişinə icazəni ləğv etməsindən sonra atılıb.
Bundan əvvəl Niderland polisinin Türkiyənin Rotterdamdakı Baş Konsulluğunun binasına giriş-çıxışının nəzarətə götürdüyü bildirilmişdi.
