Ukrayna KİV-lər Rusiya Dövlət Dumasının sabiq deputatı Denis Voronenkovun qətl anının əks olunduğu videonu dərc edib. Lent.az-ın xarici mətbuata istinadən verdiyi xəbərə görə, videoda Voronenkovun cangüdəni ilə səki ilə hərəkət etdiyi, kapüşonlu şəxsin arxadan onlara yaxınlaşaraq, tapança ilə eks-deputata atəş açması əks olunub. Atəş açan şəxsə müqavimət göstərməyə cəhd edən cangüdən özü də yaralansa da, cavab atəşi ilə qatili sinəsindən və başından ağır yaralaya bilib. Həkimlərin səyinə baxmayaraq, qatili xilas etmək mümkün olmayıb.