“Bakı-2017” IV İslam Həmrəyliyi Oyunlarının Xəzərdən başlayan su səyahətinin davamı olaraq Ağcabədidə su festivalı keçirilib.
APA-nın Qarabağ bürosunun verdiyi məlumata görə, rayondakı Ağgöl Milli Parkında göldən səhəngə su doldurulub. Su səhəngi axşam keçiriləcək Su festivalında təqdim ediləcək.
Mirzə Fətəli Axundov adına 3 saylı məktəbdə davam etdirilən tədbirdə müxtəlif idman müsabiqələri təşkil olunub.
Tədbir axşam Heydər Əliyev meydanında təşkil olunan Su Festivalı konsert proqramı ilə yekunlaşacaq.
