İngiltərə Premier Ligasında "Arsenal"ın formasını geyinən türk futbolçu Məsut Özil, Çindən 115 milyon avroluq təklif aldığını və bunu rədd etdiyini açıqlayıb.
Lent.az-ın “trend”-ə istinadən xəbərinə görə, "Arsenal"da işləri düz getməyən Məsut Özilə Uzaq Şərqdən inanılmaz bir təklif gəlib.
Türk əsilli alman futbolçuya 5 illik müqavilə üçün 110 milyon avrodan çox maaş təklif edilib. Özilin keçən mövsüm aldığı bu təklifi rədd etdiyi bildirilib.
Keçmişdə də Çindən təklif alan ulduz futbolçu təklifi həddindən artıq şişirdilmiş hesab edərək rədd etmişdi.
"Daily Mail"-də yayımlanan bioqrafiyası üçün açıqlama verən Özil deyib: "Çinlilər mənim üçün 5 illiyinə 115 milyon avro verməyə hazırlaşırdı. Bu qədər pul mənim xəyal gücümün sərhədlərindən kənardır. Karyeramı bitirmək nöqtəsində deyiləm. "Arsenal"la kuboklar qazanmaq istəyirəm. Nə qədər verirlər versinlər, Çində oynamayacam. Mümkün deyil dedim".
Məsut Özilin adı son zamanlarda Türkiyənin "Fənərbağça" klubu ilə də hallanır.
