“Dağlıq Qarabağ münaqişəsi tədricən güzəştlər yolu ilə
həll oluna bilər. Məsələn Ermənistan nəqliyyat-kommunikasiya
qarşılığında rayonları qaytara bilər. Hətta bu bir addım
qarşılığında bir rayon da ola bilər”.
Publika.az xəbər verir ki, bu barədə “Karnegi” fondunun
Cənubi Qafqaz və Mərkəzi Asiya üzrə eksperti Tomas de Vall
deyib.
Lakin o, bu gün münaqişənin həllinin mümkün olduğuna inanmır:
“Münaqişədə təhlükəsizlik vacib amildir. Digər tərəfdən, hər iki
tərəfdə hansısa güzəşt xəyanət, yaxud mili təhlükəsizlik
maraqlarına etinasızlıq kimi qəbul edilə bilər. Buna görə də mən
tədricən, kiçik addımlarla həll yolunu üstün tutaram: təmas
xəttində ağır artilleriyanın çəkilməsi qarşılığında siyasi
danışıqların bərpası ola bilər”.
T.Vall qeyd edib ki, ermənilər azərbaycanlı qaçqınların
mülkiyyətini dağıtdıqlarını, evlərindən didərgin düşdüklərini
anlamalıdır.
“Bütün beynəlxalq təşkilatlar Azərbaycan ərazilərinin işğal
edildiyi faktını qəbul edir, beynəlxalq hüquq da Azərbaycanın
yanındadır. Ermənilər bunu anlamalıdır. Buna görə də qaçqınların öz
evlərinə qayıdışına imkan verməlidirlər”, - deyə o
bildirib.
Asif
