Yüzlərlə maskalı şəxs Türkiyənin Sürixdəki səfirliyinə hücum edib.
Musavat.com-un məlumatına görə, maskalılar əllərindəki boyaları səfirlik binasına doğru atmağa başlayıblar. Hücum əsnasında binada heç kimin olmadığı, lakin binaya maddi zərər dəydiyi barədə məlumat verilib. Maskalılar həmçinin, Türkiyə prezidenti Rəcəb Tayyib Ərdoğan əleyhinə şüarlar səsləndiriblər.
Boyaların rəngindən üzü bağlı şəxslərin PKK tərəfdarı olduqları ehtimal edilir. Binanın ətrafına gələn polislər burada təhlükəsizlik tədbirlərini artırıblar.