ABŞ-da daha bir nəfər polis tərəfindən öldürülüb.
APA-nın İTAR-TASS agentliyinə istinadən verdiyi məlumata görə, hadisə Kolumbus şəhərinin (Ohayo ştatı) aeroportunda baş verib.
Hava limanının rəsmi nümayəndəsi Devid Uitikerin sözlərinə görə, aeroportun avtomobil dayanacağında polis əməkdaşları və naməlum kişi arasında mübahisə baş verib.
Nəticədə polislər həmin şəxsə atəş açıblar. Onun üzərində silahın olub-olmaması hələ ki məlum deyil.
