Ermənistan prezident Serj Sarkisyan Müdafiə Nazirliyində
generallarla məxfi toplantı keçirib. Ağ Ev Ermənistan da daxil
olmaqla, bir çox ölkəyə ayırdığı maliyyə yardımının azaldılması ilə
bağlı büdcə layihəsini rəsmən açıqlayıb. Dağlıq Qarabağ ərazisində
iki yerlik təyyarələrdə turist uçuşları başlayıb. ABŞ Rusiyanın
G7-nin (“Böyük yeddilik”) tərkibinə qayıdışı üçün şərti açıqlayıb.
İŞİD terror təşkilatına sədaqət andı içən “Maut” qruplaşmasının ələ
keçirdiyi Mindao adasında təhlükəsizlik gücləri ilə şiddətli
döyüşlər davam edir. Bu gün Brüsseldə NATO sammiti
başlayır.
Ermənistan prezident Serj Sarkisyan Müdafiə
Nazirliyində generallarla məxfi toplantı keçirib.
Görüşün təfərrüatları bilinmir, lakin Ermənistan mediası məxfi
görüşlə bağlı müəyyən məlumatlar əldə edib.
“Lragir” saytının əldə etdiyi məlumata görə, görüşdə
Ermənistanın daxili və xarici siyasəti, həmçinin, təhlükəsizlik
məsələləri müzakirə olunub.
“Daxili siyasətin müzakirə edilməsində əsas məqsəd Sarkisyanın
hakimiyyətini uzatmaq planlarıdır. Ordu bu işdə böyük rol oynayır
və güman ki, Sarkisyan 2018-ci ildən sonrakı planlarına ordunu da
daxil edib”, - deyə sayt yazır.
Sayt qeyd edir ki, görüşdə Dağlıq Qarabağ məsələsi də müzakirə
olunub: “Qarabağ ətrafında yeni vəziyyət yarandı və müharibənin
olması istisna edilmir. Sarkisyan görüşdə ordu rəhbərliyinə
Azərbaycana zərbələrin endirilməsi məsələsini də müzakirə
edib”.
Məlumata görə, görüşdə həmçinin, erməni hərbi birləşmələrinin
çoxsaylı itkilər verməsi müzakirə olunub.
Avropa Komissiyasının xarici məsələlər və
təhlükəsizlik üzrə komissarı Federika Moqerini Avropa
Birliyi-Ermənistan əməkdaşlığının növbəti şura iclasında
türk-erməni münasibətlərinə toxundu və qeyd etdi ki, Brüssel
münasibətlərin düzəlməsinə kömək etməyə hazırdır.
Moqerini ilə görüşdə Ermənistan xarici işlər naziri Edvard
Nalbandyan da türk-erməni münasibətləri haqda təxmini eyni
ifadələri işlətdi.
Türkiyə-Ermənistan münasibətlərinin düzəlməsi ilə bağlı
məsələnin indi gündəmə gəlməsi suallar yaradır. Çünki Türkiyə
Ermənistanın Azərbaycana məxsus Dağlıq Qarabağ və digər əraziləri
işğal etməsini əsas tutaraq, İrəvanla heç bir diplomatik əlaqələr
qurmur, həmçinin, artıq 20 ildən çoxdur ki, sərhədlərini bağlayıb.
2009-cu ildə münasibətlərin düzəlməsi ilə bağlı imzalanmış Sürix
protokolları da arxivə göndərilib. Ermənistan prezidenti Serj
Sarkisyanın dəfələrlə Türkiyəyə “ilkin şərt olmadan münasibətləri
düzəldək” çağırışı havada asılı qalıb. Maraqlıdır ki, vəziyyətin
belə olduğu haqda Ermənistanla Avropa Birliyinin münasibətlərinə
həsr olunmuş iclasda türk-erməni məsələsi niyə yenidən gündəmə
gətirilir, hədəf nədir?
Ermənistan Qarabağa görə Türkiyəyə YALVARIR – Ankara bu gün HÜCUMA KEÇƏCƏK
Azərbaycanın işğal edilmiş ərazilərində Ermənistan
tərəfindən yaradılmış qondarma “DQR”-in “özünümüdafiə güclərinin
birinci komandiri” Arkadi Karapetyan erməniləri Bakıya hücuma
çağırıb. Absurd planlar gündəmə gətirən Karapetyan
müharibəyə başlamağın vaxtının çatdığını deyib.
“Mən təklif edirəm ki, Bakını işğal edək və hər şey bitsin”, -
deyə separatçı bildirib.
O, İrəvanın danışıqlardan çəkilməsini və hücuma keçməsini
istəyir: “Əgər danışıqlar masasında otururuqsa, deməli biz
zəifik”.
Qeyd edək ki, son vaxtlar danışıqlardan yayınan Ermənistanda
müharibə ritorikası güclənib. Serj Sarkisyan da artıq absurd
şərtlərlə çıxış edir. Ekspertlər hesab edirlər ki, Ermənistanda
müharibə ritorikası, Azərbaycana qarşı hücum çağırışlarının
arxasında əslində Sarkisyan dayanır. O, bununla ermənilər arasında
nüfuzunu artırmağı düşünür.
"Yell Extreme Park" layihəsi Dağlıq Qarabağ
ərazisində iki yerlik təyyarələrdə turist uçuşlarına
başlayıb. Bu barədə "Yell Extreme Park"ın rəhbəri
Tiqran Çibuxçyan bildirib.
Onun sözlərinə görə, ilk uçuşlar keçən həftədən Xankəndi və Şuşa
arasında təşkil edilir. 20-25 dəqiqə çəkən uçuşlar üçün şirkət 35
min dram, yəni 72,4 dollar tələb edir.
Ağ Ev Ermənistan da daxil olmaqla, bir çox ölkəyə
ayırdığı maliyyə yardımının azaldılması ilə bağlı büdcə layihəsini
rəsmən açıqlayıb. ABŞ prezidenti Donald Trampın
Administrasiyası 2018-ci il büdcə layihəsini Konqresə təqdim
edib.
Sənədə əsasən, Ermənistana verilən maliyyə yardımı 67 faiz
azaldılacaq. Gürcüstana və Ukraynaya, eləcə də digər ölkələrə
ayrılan maliyyə yardımları da azaldılıb.
80 il əvvəl sovet bioloqu Leva Zilber ölümcül virus
aşkarlayaraq, onun qarşısını aldı. SSRİ-ni böyük bəladan qurtarmış
məşhur bioloq sonradan həbs edildi. Onun həbs olunmasına səbəb Bakı
idi, daha doğrusu, bioloqu Bakını taun bəlasına yoluxdurmaqda
ittiham edərək barmaqlıqlar arxasına atmışdılar.
Bakını tauna yoluxdurmaqda ittiham edilən bioloq Lev Zilber
haqda tarixi faktları təqdim edir.
Məxfi məktub və Uzaq Şərq ekspedisiyası
Hər şey 1937-ci ilin mayında başlandı. SSRİ-nin Uzaq Şərq
qoşunlarının komandanı marşal Blyuxer müdafiə komissarı Voroşılova
şifrələnmiş məktub göndərdi.
Azərbaycana taun yaymaq istəyən həkim və Qarabağda qəbirləri eşən kəşfiyyatçılar
“Rusiyanın G7-nin (“Böyük yeddilik”) tərkibinə
qayıdışı Minsk razılaşmalarının icrası və Ukraynanın ərazi
bütövlüyünün bərpası olmadan mümkün deyil”. Bunu
ABŞ-ın dövlət katibi Reks Tillerson Romadan Brüsselə uçuş zamanı
“Air Force One” təyyarəsində jurnalistlərlə söhbət zamanı
deyib.
“Rusiya Ukraynadakı vəziyyətə görə G7-dən çıxarılıb. Buna görə
də düşünürəm ki, Rusiya ora yenidən daxil olması üçün Ukraynadakı
vəziyyətlə məşğul olmalıdır”, - ABŞ xarici siyasət idarəsinin
başçısı bildirib.
Xatırladaq ki, Rusiya Krımın ilhaqına cavab olaraq 2014-cü ilin
martında G8-dən kənarlaşdırılıb.
2016-cı ilin yayında Amerika xüsusi xidmət orqanları
Rusiya ilə bağlı əhəmiyyətli məlumatlar toplayıblar.
Bu haqda kəşfiyyat məlumatları ilə tanış olan 4 mənbə “The New York
Times” nəşrinə bildiriblər.
Onlardan biri istefaya çıxan keçmiş məmurdur, digərləri isə
hazırda işləyirlər.
Əldə olunan kəşfiyyat məlumatlarına görə, Rusiya xüsusi xidmət
orqanlarının yüksək vəzifəli əməkdaşları və siyasətçiləri
məsləhətçiləri vasitəsilə Donald Trampa təsir göstərmək yollarını
müzakirə edirdilər. Xüsusi xidmət orqanlarının məlumatına görə,
danışıqlarda xüsusi olaraq Manafort Pol (o zaman Trampın seçki
qərargahının başçısı idi –red.) və gələcək prezidentin qısamüddətli
milli təhlükəsizlik məsləhətçisi işləyən Maykl Flinndən söhbət
gedirdi.
ABŞ kəşfiyyatı iddia edir ki, hər iki şəxs Rusiyanın rəsmi
şəxsləri ilə vasitəli əlaqələrə malik idilər.
Putin Trampı necə ələ almaq istəyirdi? – ŞOK KƏŞFİYYAT SİRRİ
Venesuelanın paytaxtı Karakasda prezidenti Nikolas
Maduroya qarşı keçirilən etiraz aksiyalarında toqquşmalar zamanı
daha bir nəfər ölüb. Beləliklə nümayişçilərin
təhlükəsizlik gücləri və prezidentin tərəfdarları arasında baş
verən toqquşmalarda ölənlərin sayı 56-ya çatıb.
Toqquşmalarda təxminən 1000 nəfərin yaralandığı bildirilir.
Ölkədə vətəndaş müharibəsi gedir: 56 ölü, 1000 yaralı - VİDEO
İŞİD terror təşkilatına sədaqət andı içən “Maut”
qruplaşmasının ələ keçirdiyi Mindao adasında təhlükəsizlik gücləri
ilə şiddətli döyüşlər davam edir. Ordu birlikləri
vertolyot və ağır texnika ilə hücuma keçib.
Bölgədən minlərlə insanın qaçdığı bildirilir. Dünən girov
götürülən 11 nəfərin taleyi naməlum olaraq qalır. Terrorçular hərbi
vəziyyət elan edilən bölgədə bir polis şefini başını kəsərək
öldürüblər.
Ölkədə 175 min polis dövlət binalarında təhlükəsizlik
tədbirlərini gücləndirib.
Xatırladaq ki, “Maut” qruplaşması mayın 23-də - prezident
Rodriqo Duterte Rusiyada səfərdə olduğu gün adada hücuma keçib.
Prezident Putindən kömək istədi: İkinci “Yaxın Şərq” yaranır? - FOTOLAR
Şimali Atlantika İttifaqı (NATO) Brüssel sammitinin
gedişatında ittifaqın İŞİD terror təşkilatı ilə mübarizə üzrə
koalisiyaya birləşməsi haqqında qərar qəbul ediləcək.
Bu haqda NATO-nun baş katibi Yens Stoltenberq bildirib.
İsrailin müdafiə naziri Aviqdor Liberman ölkəsi və
ABŞ arasında kəşfiyyat məlumatlarının mübadiləsi prosesinə
düzəlişlərin daxil edildiyini açıqlayıb. “Foreign
Policy” nəşrinin versiyasına görə, Təl-Əvivin bu qərarı ABŞ
prezidenti Donald Trampın Rusiya xarici işlər naziri Sergey Lavrova
İŞİD haqqında tam məxfi informasiyanı verməsi ilə bağlıdır.
“Foreign Policy” bildirir ki, İsrail məmurları ölkə kəşfiyyatından
alınan informasiyanın Rusiyaya ötürülməsindən narazılığını ifadə
ediblər.
Liberman İsrailin ABŞ-la məlumat mübadiləsi prosesini hansı
ölçüdə dəyişdirdiyini dəqiqləşdirməyib. Ancaq bəyanat öz-özlüyündə
Trampın ehtiyatsız hərəkətindən İsrailin narazı qaldığını göstərir.
Amerika nəşri qeyd edir ki, İsrail xüsusi xidmət orqanlarının
qəzəblənmiş nümayəndələri amerikalı həmkarlarla görüşdə onların
üzərinə qışqırırdılar.
“Hər şey KİV-də müzakirə etmək lazım deyil. Bəzi şeylər haqqında
bağlı qapılar arxasında danışmaq lazımdır”, - İsrailin müdafiə
naziri vurğulayıb.
Moskvaya “sevgi”nin ağır nəticəsi: MOSSAD Trampdan QİSAS ALIR
ABŞ Prezidenti Donald Tramp Brüsseldə Avropa
Şurasının sədri Donald Tusk, Avropa Komissiyasının rəhbəri Jan-Klod
Yunker, Avropa İttifaqının nümayəndəsi Federika Moqerini və Avropa
Parlamentinin rəsmisi Antonio Tayani ilə görüşüb.
Liderlər İŞİD terror təşkilatına qarşı mübarizənin gücləndirilməsi
məsələsində razılığa gəliblər.
Bundan başqa, Tramp Avropa İttifaqının Şimali Koreyaya qarşı
tətbiq etdiyi sanksiyaları dəstəklədiyini bildirib.
Ömər Dağlı
Xəbərin orijinal ünvanı: http://publika.az/news/nida_tehlil/200174.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)