Avropa İttifaqı ABŞ prezidentinin qərarına baxmayaraq, İqlimə dair Paris sazişinin icrasına tam sadiqdir. APA-nın “RİA Novosti”yə istinadən verdiyi xəbərə görə, bu barədə Aİ Şurasında sədrlik edən Malta nümayəndəliyinin Twitter səhifəsində bildirilir.
ABŞ prezidenti Donald Tramp bundan əvvəl ABŞ-ın İqlimə dair Paris sazişindən çıxdığını bəyan edib.
Qeyd edək ki, 2015-ci ilin dekabrında imzalanan İqlimə dair Paris sazişi iqlim sahəsində əldə olunan ilk razılaşmadır. Dünyanın 194 ölkəsi tərəfindən imzalanan bu saziş qlobal istiləşmənin qarşısının alınması üzrə beynəlxalq fəaliyyət planını müəyyənləşdirir.
