“Lider TV”-nin “Dostlar, bizi unutmayın” verilişinin növbəti buraxılışı yayımlanıb. Lent.az-ın məlumatına görə, tanınmış müğənni Nazəninin təqdimatında yayımlanan verilişin bu həftəki qonağı əməkdar artist Ədilə Əflaki olub. Əməkdar artist bildirib ki, övladının ifaçılıq üçün səsi var: “Kiçik oğlumun yaxşı səsi var, arada Rusiyaya gedib gəlir. Özü də çox yaraşıqlı oğlandır. İnternetdə ona yazırlar ki, gözəl səsin var, müğənni olacaqsan. Əsasən rus mahnılarını oxuyur. Oğlumun istedadı var, amma mən onun müğənni olmağını istəmirəm”.
Qeyd edək ki, “Dostlar, bizi unutmayın” verilişi həftənin bazar günləri saat 21:00-da “Lider TV”-də yayımlanır. Verilişin informasiya dəstəyi Lent.az-dır.