Lent.az İnformasiya Agentliyi zamanın tələblərinə uyğun olaraq ən son texnoloji yenilikləri tətbiq etməyə davam edir.
Saytımızın mobil versiyası olan m.lent.az bundan sonra oxucuların qarşısına yeni dizaynda çıxacaq. Saytın mobil versiyasının təkmilləşdirilmiş variantı oxucuların xəbərləri daha rahat və ən sadə şəkildə oxumasına uyğunlaşdırılıb.
Yeni versiya həmçinin oxucularımızın internet paketlərinə də qənaət etməyə səbəb olacaq. Saytın bir öncəki mobil versiyasında xəbərləri oxumaq üçün hər dəfə yeni səhifə açmaq tələb edilirdisə, artıq buna ehtiyac yoxdu. Xəbərləri oxuduqca, oxunmuş xəbərin altında həmin bölməyə aid olan bütün xəbərlə sıralanacaq.
Həmçinin, oxucularımız yeni istifadəyə verilmiş oxa klik etməklə, həmin bölməyə aid olan bütün xəbərləri sıralanmış şəkildə görə biləcək.
APA Holdingin İT departamentinin əməkdaşları tərəfindən hazırlanmış yeni mobil versiya hər gün daha da təkmilləşməyə və oxucular üçün ən optimal hala çevrilməyə davam edəcək.
