Bakı. 11 iyun. REPORT.AZ/ Şənbə günü Şanxay şəhərinin iki beynəlxalq hava limanında leysan yağışları səbəbindən 400-dən çox reys ləğv edilib.
"Report" RİA "Novosti"yə istinadən xəbər verir ki, bu barədə "China aviation daily" məlumat yayıb.
Pudun və Xuntsyao aeroportlarının ötürmə qabiliyyəti 50 faiz aşağı düşüb, ləğv olunan reyslərlə yanaşı, 200-dən çox aviareys ən azı 2-4 saat gecikmə ilə həyata keçirilib.
Hava şəraiti, həmçinin Şanxay yaxınlığında yerləşən Nankin və Xançjou şəhərlərinin hava limanlarına da təsir göstərib.
