Küveytin beynəlxalq aeroportu dünyanın ən pis hava limanlarının siyahısına başçılıq edir.
Publika.az xəbər verir ki, siyahını "AirHelp" şirkəti sərnişinlər arasındakı sorğuya əsasən tərtib edib.
Ən pis aeroportların siyahısında ikinci və üçüncü yeri Böyük Britaniya hava limanları tutur: Londonun Qatvik aeroportu və Mançester hava limanı.
Onluğa ABŞ-ın Nyuark, Hindistanın Mumbay, BƏƏ-nin Dubay hava limanları da daxildir.
Bununla yanaşı şirkət ən yaxşı aeroportların da siyahısını açıqlayıb. Siyahıya Sinqapurun Çanqi, Almaniyanın Münhen aeroportu başçılıq edir. Bu siyahıda Moskvanın Şeremetevo aeroportu da 25-ci yerdə qərarlaşıb. (Trend)
