"Qadın yaşamağa gecikər. Boşasalar günahkarsan, boşansan, günahkarsan. Qız doğdun, ya gec doğdun günahkarsan. Döyüldün də günahkar oldun, zorlandın da... Öldürüldün yenə sən günahkarsan ..."
Lent.az-ın məlumatına görə, bu sözləri aparıcı Mələk Heydərova "Bizdə qadın" adlı ilk kitabını mediaya təqdim edərkən deyib: “Azərbaycan Yaradıcılıq Fondunun kitabxanası seriyası çərçivəsində çap olunan bu kitabım, ayrı-ayrı vaxtlarda yazılan publisistik yazılar toplusundan ibarətdir. Qadının güclü bir varlıq olduğu əks olunan kitabda, ailə, cəmiyyət, mental məsələlər öz əksini tapıb. Elə qadınlar var ki, onlar söz sahibi deyillər, öz hüquqlarını bilmirlər. Mən bir az da bu məsələni qabartmışam. İstəmişəm ki, qadınlarımızı maarifləndirim".
