Şəmkirdə elektrik cərəyanı qadını vuraraq öldürüb. APA-nın qərb bürosunun verdiyi xəbərə görə, hadisə rayonun Əliyaqublu kəndində qeydə alınıb. Kənd sakini 1969-cu il təvəllüdlü Həsənova Yeganə Fərhad qızı su çəninə elektrik nasosla su vurmaq istəyərkən cərəyan onu vurub. Qadın dərhal rayon mərkəzi xəstəxanasına çatdırılsa da, onun dünyasını dəyişdiyi məlum olub.
Faktla bağlı hüquq-mühafizə orqanlarında araşdırma aparılır.
