“Qalatasaray” Mərakeş yığmasının hücumameylli yarımmüdafiəçisi Yunes Belhandanı heyətinə qatmağa çox yaxındı. Apasport.az saytının “NTV Spor”a istinadən məlumatına görə, istanbullular futbolçunu Türkiyəyə gəlməyə razı salıb.
Tərəflər 4 illik müqavilə ilə bağlı razılığa gəliblər. “Qalatasaray” futbolçunun klubu “Dinamo”ya (Kiyev) 8 milyon avro transfer haqqı ödəyəcək. 27 yaşlı oyunçunun özü isə İstanbul nəhəngində ilinə 3 milyon avro qazanacaq.
Futbolçu bazar ertəsi günü Türkiyəyə gələcək və tibbi yoxlanışdan keçəndən sonra müqaviləyə imza atacaq.
Qeyd edək ki, Mərakeş yığmasında 32 oyuna 3 qol vuran Belhanda son mövsümü Fransanın “Nitsa” klubunda icarədə keçirib. Daha öncə “Şalke”yə də icarəyə verilən futbolçu “Dinamo”ya qədər də “Monpelye”də top qovub.