“Bu ilin 6 ayında Kliniki Tibbi Mərkəzin Toksikologiya şöbəsinə 565 müraciət olub”.
Publika.az xəbər verir ki, bu sözləri KTM-in Toksikologiya şöbəsinin müdiri Azər Maqsudov deyib.
Onun sözlərinə görə, dərmanla zəhərlənmə ilə bağlı 241, dəm qazı
ilə zəhərlənmə ilə bağlı 133, kəskin allergik reaksiyalarla bağlı
67, sirkə turşusu ilə zəhərlənmə ilə bağlı 52, spirtli içkilərdən
zəhərlənmə ilə bağlı 56 nəfər qəbul edilib.
Baş toksikoloq bildirib ki, sirkə turşusu 1 xörək qaşığı qəbul
olunduqda onun ciddi fəsadları olur: "Dərhal həkim müdaxiləsi
olmazsa, bu ölümlə nəticələnə bilər. Bu il ərzində KTM-ə 41 nəfər
ilan, 6 nəfər əqrəb sancması ilə bağlı müraciət edib. Bu say isə
ötən ilin müvafiq dövrü ilə müqayisədə azdır".