Ekologiya və Təbii Sərvətlər nazirliyi qarşıdakı günlərdə gözlənilən hava şəraiti ilə bağlı əhaliyə xəbərdarlıq edib. nazirliyin mətbuat xidmətindən Lent.az-a verilən məlumata görə, iyulun 24-dən 26-sı gündüzədək Bakıda və Abşeron yarımadasında şimal-qərb, şimal küləyinin arabir güclənəcəyi, havanın temperaturunun ötən günlərlə müqayisədə 3-5° aşağı enəcəyi gözlənilir.
Ölkə üzrə gözlənilən hava şəraitinə gəlincə, iyulun 23-ü gündüzdən 25-dək bəzi rayonlarda qərb küləyinin arabir güclənəcəyi, əsasən şimal və qərb rayonlarında şimşək çaxacağı, arabir yağış yağacağı gözlənilir. Bəzi yerlərdə intensiv olacağı ehtimalı var. Havanın temperaturu ötən günlərlə müqayisədə 2-4° aşağı enəcək.
