Türkmənistan Prezidenti Azərbaycana rəsmi səfərə gəlib.
ABŞ ordusu Şərqi Avropada vuruşmağa hazırlaşır. ABŞ Müdafiə
Nazirliyi Filippində İŞİD döyüşçülərinə qarşı hərbi əməliyyat
keçirməyi planlaşdırır. Gürcüstanın sabiq prezidenti Mixail
Saakaşvili Polşanı tərk edərək Litvaya gedib. Pxenyan BMT
Təhlükəsizlik Şurasının yeni sanksiyalarına amansız cavab
verəcəyini bəyan edib.
Türkmənistan Prezidenti Qurbanqulu Berdiməhəmmədov
avqustun 8-də Azərbaycan Respublikasına rəsmi səfərə
gəlib.
Türkmənistan prezidentinin Azərbaycan səfəri - FOTO (YENİLƏNDİ)
“Ermənistan vəhşiliyinin, xüsusilə azyaşlı uşağı və
qadınları hədəfə almasının beynəlxalq ictimaiyyət tərəfindən kəskin
şəkildə pislənməsinə baxmayaraq, Ermənistan bu çirkin əməllərindən
nəticə çıxarmayaraq 7 avqustda 13 yaşlı Yusifov Raminin yaralanması
ilə nəticələnən növbəti barbar əməli törədib”. Bunu
Azərbaycan XİN-in mətbuat xidmətinin rəhbəri Hikmət Hacıyev
qoşunların təmas xəttində baş verən son gərginliyi şərh edərkən
deyib.
Ermənistan qoşunları Azərbaycanın işğal olunmuş ərazilərindən çıxarılmalıdır - XİN
Almaniya və Türkiyənin münasibətlərində əsas
mübahisəli məsələlərdən biri həll edilib. Bu haqda
şəxsi mənbələrə istinadən Almaniyanın ARD telekanalı bildirib.
Mübahisəyə NATO-nun vasitəçiliyi ilə həll variantı tapılıb.
Bundan sonra Almaniya parlamentinin deputatları Türkiyənin Konya
şəhərindəki NATO bazasında xidmət edən alman ordusunun hərbi
qulluqçularına baş çəkə biləcəklər.
Alman deputatların bazaya ziyarəti bundestaq tərəfindən deyil,
NATO tərəfindən təşkil ediləcək. İlk ziyarətin sentyabrın 8-də
reallaşması gözlənilir. Sonrakı addımlar haqqında danışıqlar davam
edir.
ABŞ xüsusi təyinatlı dəstələri Livan ordusuna
“dəstək” üçün ölkənin şimal-şərqinə yerləşdirilib. Bu
haqda ABŞ Müdafiə Nazirliyinin (Pentaqon) sözçüsü Erik Pahon
bildirib.
Pentaqon sözçüsü xüsusi təyinatlıların sayı barədə isə məlumat
verməyib.
Məlumata görə, Livan ordusu bir neçə həftə içində Suriya
sərhədində yerləşən İŞİD döyüşçülərinə qarşı əməliyyata başlayacaq.
İranın dəstəklədiyi “Hizbullah” şiə təşkilatının lideri Həsən
Nəsrullah da Livan ordusuna dəstək verməyə hazır olduğunu
açıqlayıb.
Bu vəziyyətdə isə ABŞ xüsusi təyinatlıların “Hizbullah”
döyüşçüləri ilə qarşı-qarşıya gəlməsi ehtimalı artır. ABŞ-ı
dəfələrlə “böyük şeytan” adlandıran Həsən Nəsrullahın İŞİD-ə qarşı
eyni cəbhədə döyüşməsi inandırıcı görünmür.
“Rəsmi Bağdadla razılığa gəlsəniz, Kürdüstanın
müstəqilliyini tanıyacağıq”. Bu sözləri Misirin
Bağdaddakı səfiri Alaa Musa Kürdüstan Demokrat Partiyasının üzvləri
ilə görüşü zamanı deyib.
Qeyd edək ki, İraq Kürd Muxtar Vilayətində müstəqilliklə bağlı
referendumun sentyabrın 25-də keçirilməsi nəzərdə tutulur.
İran Prezidenti Həsən Ruhani yeni kabinet üzvlərinin
adlarının siyahısını açıqlayıb. May ayında keçirilən
prezident seçkilərində qalib olan Həsən Ruhaninin yeni kabineti
yalnız kişilərdən ibarət olub.
Rusiya Federasiyası azad dünyanın dostu olaraq qəbul
edilmir və İŞİD-dən daha çox təhlükə təşkil edir. Bu
sözləri amerikalı senator Con Makkeyn deyib.
“İŞİD kimi terror qruplaşmaları həmişə təhlükəlidir. Onlar hücum
etməyə davam edəcəklər, ancaq onların dünyanı idarə etmək arzusunu
reallaşdırmaq imkanları, texnikaları və ambisiyaları yoxdur.
Rusiyanın isə var. Rusiya azad dünyanın dostu olaraq qəbul
edilmir”, - Makkeyn bildirib.
İyulda Şərqi Avropada ABŞ və NATO-ya daxil olan
digər ölkələrin ongünlük hərbi təlimləri keçirildi. Təlimlərin
hədəfi Rusiya tərəfindən potensial təhlükələrə qarşı dayanmağı
öyrənmək idi. ABŞ-ın “The New York Times” nəşrinə
görə ABŞ ordusu Şərqi Avropada vuruşmağa hazırlaşır.
Macarıstan, Rumıniya və Bolqarıstanda keçirilən təlimlərdə
ABŞ-ın 25 min hərbi qulluqçusu iştirak edirdi. Təlimlərdə ordu
komandirləri gənc əsgərlərə “soyuq müharibə” dövründə SSRİ
qoşunlarına qarşı istifadə olunan taktika və strategiyanı
öyrədirdilər.
Rusiya ilə müharibə burada başlayacaq: SSRİ-yə hücum taktikasına QAYIDIŞ
Şimali Koreya 2014-cü ildən bu yana ilk dəfə patrul
gəmilərin üzərində gəmivuran raketlər yerləşdirib.
Məlumatı, Amerika kəşfiyyat mənbələrinə istinadən Fox News
telekanalı yayıb.
Telekanalın məlumatına görə, KXDR-in şərq sahillərində, Txeydonq
limanında 2 qanadlı raket - Stormpetrel yerləşdirilib.
Şimali Koreya DÖYÜŞ HAZIRLIĞINA gəlir? - HƏYƏCAN
Koreya Xalq Demokratik Respublikası (KXDR) BMT
Təhlükəsizlik Şurasının yeni sanksiyalarına amansız cavab
verəcək. Bu haqda Asiya-Sakit okeanı regionunda sülh
üzrə Koreya Komitəsinin bəyanatında deyilir.
Bəyanatda BMT Təhlükəsizlik Şurasının qətnaməsi “qanqster
hərəkəti” adlandırılıb və bildirilir ki, Pxenyan yeni sanksiyaların
qəbulu ilə əlaqədar “fiziki hərəkətlər”ə keçəcək.
Müharibə zəngi çalınır: ABŞ təhdidə CAVAB VERDİ
ABŞ Müdafiə Nazirliyi (Pentaqon) Filippində İŞİD
döyüşçülərinə qarşı hərbi əməliyyat keçirməyi
planlaşdırır. Bu haqda anonim hərbi məmurlara
istinadən NBC telekanalı bildirib.
Əməliyyatın başlanğıc tarixi bu gün məlum ola bilər. Telekanalın
məlumatına görə, əməliyyata Amerika pilotsuz təyyarələri cəlb
ediləcək. Ağ Ev Pentaqonun planına razılıq verəcəyi halda İŞİD-in
mövqləri pilotsuz təyyarələr tərəfindən bombalanacaq.
Putindən yardım xahişinin ACI NƏTİCƏSİ: ABŞ ölkəni bombardman EDƏCƏK
Gürcüstanın sabiq prezidenti Mixail Saakaşvili
Polşanı tərk edib. Bununla bağlı ZET radiostansiyası
məlumat yayıb.
Qeyd edək ki, Polşa prokurorluğu Gürcüstanın Saakaşvilinin
ekstradisiyası ilə bağlı müraciət etdiyini açıqlayıb. İyulun 26-da
Saakaşvili Ukrayna vətəndaşlığından çıxarılıb.
Saakaşvili Litvaya gələrək Rusiya səfirliyi
qarşısında keçirilən etiraz aksiyasında iştirak edib.
Bu barədə RİA informasiya yayıb.
“Məndən qanunsuz olaraq alınmış Ukrayna vətəndaşlığını geri
almalıyam. Əgər mübarizə aparmasam, ukraynalıların bir çoxu
qəzəblənəcək və özlərini aldadılmış hesab edəcək”, - Saakaşvili
Litva vətəndaşlığına keçməklə bağlı suala cavab verərkən
bildirib.
“2008-ci ildə Cənubi Osetiyada müharibəni həmin vaxt
ölkə prezidentinin postunu tutmuş Mixail Saakaşvili provokasiya
edib”. Bu haqda Gürcüstan parlamentinin keçmiş sədri
Nino Burdjanadze “Russia Today” (RT) telekanalına müsahibəsində
deyib.
“Beşgünlük müharibə”nin başlama səbəbi AÇIQLANDI
Rusiya prezidenti Vladimir Putin Gürcüstandan
birtərəfli qaydaya ayrılan separatçı Abxaziyaya işgüzar səfərə
gəlib. Məlumata görə, səfər 2008-ci ilin avqustun
8-də başlanan Gürcüstan-Rusiya müharibəsinin 9-cu ildönümünə
uyğunlaşdırılıb. Səfər çərçivəsində bir sıra ikitərəfli sənədlər
imzalanacaq.
Ömər Dağlı
Xəbərin orijinal ünvanı: http://publika.az/news/nida_tehlil/209173.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)