Meyxanaçı Namiq Qaraçuxurlu yaradıcılıq işlərindən danışıb. Lent.az-ın məlumatına görə, ifaçı “Şou məkan” verilişinə açıqlamasında solo konsertə hazırlaşdığını bildirib:

“Gələn ilin martında, Novruz bayramına yaxın Heydər Əliyev Sarayında konsert verəcəm. Ancaq bizdə təşkilatçı problemi var. Öncəki konsertin hələ də qonorarını ala bilməmişəm. O problemlər hələ var. Bu dəfə özümüz təşkilatçılıq edəcəyik.

Konsertlər edirlər, pulu özləri qoyurlar. Ziyana düşürlər, evlərini, maşınlarını satırlar, banka girirlər. Üstəlik onun-bunun malında da gözləri qalır. Mən elə şeylər eləmərəm. Nəyə gücüm çatır, onu edərəm. Konsertə külli miqdarda pul xərcləmərəm”.