"Artıq ağrılı günlərim geridə qalıb. Gips artıq çıxıb. Məndə açıq sınıq idi. Sümüyüm əti cırıb çıxmışdı. Onun bərpası üçün zaman lazımdır. Fevralın 15-i əməliyyatın 2 ayı tamam olur. İnşallah, o vaxt ayağa qalxa biləcəm. Hər yerə çəliklə gedirəm güc düşməsin deyə. Hardasa işim olanda gedə bilirəm".
Milli.Az bildirir ki, bu sözləri ARB TV-nin "Günə son" verilişinə açıqlaması zamanı meyxana ustadı və müğənni Namiq Qaraçuxurlu deyib.
O, ayağının sınması ilə bağlı danışıb:
"Demək olar ki, sənət dostlarımın çoxu gəldi. Təşəkkür edirəm hər kəsə. Hələ ki fəaliyyətimi saxlamışam. Ağrılar olduğu üçün yazıb-poza bilmirəm. Fevralın 22-si İranda çıxışım var. Dünən dostlarımla görüşmüşdüm. Gəlib evdən məcbur çıxartdılar. Bu gün də yenə çıxıb görüşəcəm. Havamı dəyişməliyəm".
Milli.Az
Videonu izləmək üçün şəklə klikləyin:
