Düzəliş və təkzib siyasəti

1. Prinsip

Dəqiqlik redaksiyamızın əsas öhdəliyidir. Səhv aşkar olunduqda onu gizlətmirik, materialı səssiz dəyişdirmirik - düzəldirik və düzəlişi oxucuya görünən şəkildə qeyd edirik.

2. Səhvi necə bildirmək olar

Faktiki səhv, yanlış ad/rəqəm, köhnəlmiş məlumat və ya təhrif gördükdə info@metbuat.az ünvanına yazın və ya əlaqə formasından istifadə edin. Xəbərin linkini və səhvin nədən ibarət olduğunu göstərin; mümkünsə mənbə əlavə edin.

3. Cavab və düzəliş müddəti

Müraciətlər iş günü ərzində baxılır. Təsdiqlənən faktiki səhvlər eyni gün düzəldilir; mübahisəli hallarda redaksiya mənbə ilə əlavə yoxlama aparır və nəticəni müraciət edənə bildirir.

4. Düzəlişin göstərilməsi

• Kiçik düzəlişlər (yazı xətası, ad, tarix): mətn düzəldilir, xəbərin "Yenilənib" vaxtı yenilənir.
• Məzmuna təsir edən düzəlişlər: mətn düzəldilir və materialın sonunda "Düzəliş: …" qeydi ilə nəyin dəyişdiyi göstərilir.
• Təkzib: xəbərin əsası təsdiqlənməzsə, material təkzib qeydi ilə yenilənir və ya çıxarılır; çıxarılan xəbərin ünvanında səbəb göstərilir.

5. Cavab hüququ

Haqqında məlumat dərc olunan şəxs və qurumlar "Media haqqında" Qanuna uyğun olaraq cavab və təkzib hüququndan istifadə edə bilər. Cavab eyni bölmədə və eyni görünürlüklə dərc olunur.

6. Başlıq və foto

Başlıq materialın məzmununu təhrif etməməlidir; şikayət əsaslıdırsa başlıq düzəldilir. Fotolarda mənbə göstərilir; yanlış fotoya görə düzəliş eyni qaydada edilir.