Bir neçə dəqiqədən sonra Avropa Liqası 1/8 final mərhələsinin püşkü atılacaq.
Publika.az xəbər verir ki, UEFA-nın Nyon şəhərindəki mənzil-qərargahında keçiriləcək püşkatma Bakı vaxtı ilə saat 16:00-da başlayacaq. Bu mərhələdən etibarən bütün komandalar - eyni ölkə təmsilçiləri də bir-biri ilə rəqib ola biləcəklər.
1/8 finalda İspaniya 3, İngiltərə, İtaliya və Rusiya 2, Almaniya, Portuqaliya, Fransa, Ukrayna, Avstriya, Çexiya və Xorvatiya isə 1 komanda ilə təmsil olunur.
Dünənki oyunlardan sonra 1/8 final mərhələsinə vəsiqə qazanan komandalar aşağıdakılardır:
"Çelsi" (İngiltərə)
"Arsenal" (İngiltərə)
"İnter" (İtaliya)
"Napoli" (İtaliya)
"Sevilya" (İspaniya)
"Valensiya" (İspaniya)
"Vilyarreal" (İspaniya)
"Renn" (Fransa)
"Ayntraxt" (Almaniya)
"Krasnodar" (Rusiya)
"Zenit" (Rusiya)
"Benfika" (Portuqaliya)
"Dinamo" (Kiyev, Ukrayna)
"Zalsburq" (Avstriya)
"Slaviya" (Çexiya)
"Dinamo" (Zaqreb, Xorvatiya)
Qeyd edək ki, 1/8 final mərhələsinin ilk oyunları martın 7-də, cavab görüşləri isə 14-də keçiriləcək.
