İngiltərə futbol çempionatının 26-cı turunda "Mançester Yunayted" səfərdə "Çelsi"ni 2:0 hesabı ilə məğlub edib.
Milli.Az Trend-ə istinadən bildirir ki, matçda qolları Antoni Marsyal (45-ci dəqiqə) və Harri Maquayr (66-ci dəqiqə) vurublar.
İkinci hissədə görüşün baş hakimi Entoni Teylor "Çelsi"nin iki qolunu (ilk dəfə qaydaların pozulmasına görə, ikinci hissədə ofsayd mövqeyinə görə) ləğv edib.
Çempionat cədvəlində "Mançester Yunayted" 38 xalla 7-ci pilləyə yüksəlib, "Çelsi" 41 xalla 4-cü pillədədir.
Milli.Az
