Şimali Kipr Türk Cümhuriyyətində növbədənkənar parlament seçkiləri keçirilib.
Metbuat.az xəbər verir ki, Mərkəzi Seçki Komissiyası tərəfindən təqdim edilən nəticələrə əsasən, Milli Birlik Partiyası 50 deputat yerindən 24-nə, ikinci yerdə gələn Respublika Türk Partiyası isə 18 kürsüyə yiyələnib.
Əlavə olaraq, Demokrat Partiya 3, Xalqın Partiyası 3 və Dirçəliş Partiyası isə 2 deputat yeri qazanıb.
Qeyd edək ki, növbədənkənar parlament seçkilərinin keçirilməsi haqqında qərar ötən ilin noyabr ayında Baş nazir Faiz Sucuoğlu tərəfindən verilib.