"Qarabağ"ın baş məşqçisi Qurban Qurbanovun oğlu, "köhlən atlar"ın futbolçusu Musa Qurbanlı "Frayburq"la oyundakı hakim qərarlarına etirazını bildirib.
Metbuat.az-ın məlumatına görə, o, instaqram hesabının "story" bölməsində 2014-cü ildə "İnter"lə, 2021-ci ildə "Bazel"lə qarşılaşmanı və "Frayburq"la oyundan foto paylaşıb. Paylaşıma isə "fərqli illər, eyni ssenari" yazıb.
Qeyd edək ki, "Qarabağ" -"Frayburq" qarşılaşmasında 87-ci dəqiqədə Musa Qurbanlı meydana daxil olaraq Riçard Almeydanı əvəz edib.
