Fransanın PSJ klubunun futbolçusu Serxio Ramos karyerasını Səudiyyə Ərəbistanında davam etdirə bilər.
Metbuat.az "Marca"ya istinadən xəbər verir ki, "Əl-Nəsr" 36 yaşlı yarımmüdafiəçini heyətinə cəlb etmək istəyir.Klub yayda təcrübəli oyunçu ilə müqavilə imzalamaq niyyətindədir. Ramosun parislilərlə sözləşməsi 2023-cü ilin iyununda başa çatacaq.
Qeyd edək ki, "Əl-Nəsr"in Portuqaliya millisinin hücumçusu Kriştiano Ronaldonu heyətinə qatacağı gözlənilir. Səudiyyə Ərəbistanı təmsilçisi İngiltərə "Çelsi"sində çıxış edən N Qolo Kante ilə də maraqlanır.
