İsveçrə polisi yenidən FİFA-da həbsləri həyata keçirib.
ANS PRESS-in məlumatına görə, bu barədə xəbər TASS xəbər agentliyində yer alıb.
Məlumatda Məlumatda Şimali, Mərkəzi Amerika və Karib Hövzəsi Ölkələri Futbol Konfederasiyasının (KONKAKAF) prezidenti və Cənubi Amerika Futbol Konfederasiyasının (KONMEBOL) rəhbəri Xuan Anxel Napoutun həbs olunduğu bildirilir.
Sentyabr ayının 25-də isə, İsveçrə Federal Ədliyyə bürosu Yozef Blatterə qarşı cinayyət işi açıb. Onun qeyri-qanuni şəkildə UEFA prezidenti Mişel Platininin hesabına 2 milyon İsveçrə frankı köçürdüyü iddia edilir. Ancaq Platini bu ittihamla razı olmadığını və pulların qanuni şəkildə müqaviləyə əsasən keçirildiyini bildirilib.
FİFA bu həbslərlə bağlı fövqəladə iclas keçirəcəyini açıqlayıb. Hələlik iclasın zamanı və yeri bəlli deyil.