Tanınmışlar Cabir Novruz üçün bir araya gəldi - fotolar

Heydər Əliyev Sarayında xalq şairi Cabir Novruzun sözlərinə bəstələnmiş mahnılardan ibarət "Vətəndən pay olmayır" adlı konsert proqramı keçirilib.

Axşam.az-ın məlumatına görə, tədbirdə səhnəyə ilk olaraq xalq artisti Mübariz Tağıyev çıxıb və “Vətəndən pay olmayır” mahnısını səsləndirib.

Konsertdə xalq artistləri Gülyanaq Məmmədova, Heydər Anatollu, əməkdar artistlər İlqar Muradov, Aygün Bəylər, Mətanət İsgəndərli, Azad Şükürov (bədii qiraət), müğənnilər Şəhla Həmidova, Vüsalə Əsgərova, Rövşən Əziz mahnılar səsləndirib. Gecədə xalq artisti Rauf Babayevin rəhbərliyi ilə "Qaya" dövlət ansamblı Cabir Novruzun sözlərinə bəstələnmiş mahnıları ifa edib.

Müğənniləri səhnədə Tariyel Abbasovun rəhbərliyi ilə "Dan Ulduzu" instrumental ansamblı və Asif Kərimovun rəhbərliyi ilə "Xaqan" instrumental ansamblı müşayiət edib.

Konsert Cabir Novruzun öz səsi ilə yazılmış “Sağlığında qiymət verin insanlara” şeiri ilə başa çatıb.