“Eurovision-2015”də 39 ölkə yarışacaq

“Eurovision-2015”də 39 ölkə yarışacaq
08:36 5 Yanvar 2015
Ölkə mətbuatı
A- A+

Avropanın musiqi və incəsənət ürəyi olan Vyanada keçiriləcək “Eurovision-2015” mahnı müsabiqəsində 39 ölkə təmsil olunacaq.

ANS PRESS-in məlumatına görə, ötən ildən fərqli olaraq, bu il iştirakçıların sayı iki ölkə artıb. Kipr, Çexiya və Serbiya yenidən müsabiqəyə qoşulub. Ukrayna milli televiziyası isə müsabiqədə iştirak etməyəcəyini bəyan edib. Bu barədə müsabiqənin rəsmi saytında xəbər verilib.

Beləliklə, 60-cı “Eurovision” mahnı müsabiqəsində Albaniya, Avstriya, Azərbaycan, Belarus, Belçika, Kipr, Çex Respublikası, Danimarka, Estoniya, Finlandiya, Fransa, Makedoniya, Gürcüstan, Almaniya, Yunanıstan, Macarıstan, İslandiya, İrlandiya, İsrail, İtaliya, Latviya, Litva, Malta, Moldova, Çernoqoriya, Niderland, Norveç, Polşa, Portuqaliya, Rumıniya, Rusiya, San Marino, Serbiya, Sloveniya, İspaniya, İsveçrə, İsveç, Böyük Britaniya və Ermənistan təmsil olunacaq.

Yarımfinallarda iştirakçıların sayı artan istiqamətdə müəyyən edilib. Birinci yarımfinalda 16, ikincidə 17 ölkənin iştirakçısı səhnəyə çıxacaq. Final mərhələsində isə 10 ölkə, böyük beşliyə daxil olan Fransa, Almaniya, İtaliya, İspaniya və Böyük Britaniya, eləcə də ev sahibliyi edən Avstriyanın təmsilçisi olacaq.

“Eurovision-2015” mahnı müsabiqəsinin püşkatma mərasimi 2015-ci il yanvarın 26-da keçiriləcək.

“Eurovision-2015” mahnı müsabiqəsinin I və II yarımfinalı müvafiq olaraq mayın 19 və 21-də, final mərhələsi isə 23-də keçiriləcək.

RƏYLƏR

BU KATEQORİYADAN DİGƏR XƏBƏRLƏR