Müğənni İbrahim Tatlıses ABŞ-da həbsdə olan iş adamı Rza Zərraba dəstək olub.
Axşam.az-ın Türkiyə mətbuatına istinadən məlumatına görə, o, müğənni Ebru Gündeşin boşanmaq üçün ərizə verdiyi Rzanın günahsız olduğuna inandığını bildirib:
"İki il əvvəl dekabrda Rza üçün "Oğrudur" dedilər. Mən də "O, oğrudursa, mən də oğruyam" söylədim. Nəticədə dediyim üzə çıxdı. Allah qurtarsın, indi yenə də ABŞ-da günahsız şəkildə həbsdə yatır. İlahi ədalət gec-tez yerini tapacaq. Allahın bir olduğuna necə inanıramsa, onun da günahsız olduğuna inanıram".
