Bu gün Azərbaycan Kubokunun 1/8 final mərhələsinə start veriləcək. Fanat.Az xəbər verir ki, ilk oyun günündə 4 matç baş tutacaq. Özü də, qarşılaşmaların hamısı paytaxtda keçiriləcək
Bir görüş istisna olmaqla, bütün cütlüklərdə Premyer Liqa təmsilçilər I divizion klublarını qəbul edəcəklər ki, bu da meydan sahiblərinin favorit olmasından xəbər verir. Hər halda, AZAL hər nə qədər sıxıntı yaşasa da, varlığı ilə yoxluğu bilinməyən “Rəvan”ı asanlıqla məğlub edəcək durumdadır.
Eləcə də, “Qaradağ Lökbatan”ın “İnter”ə, “Şərurspor”un isə “Neftçi”yə ciddi müqavimət göstərəcəyi inandırıcı görünmür.
“Sumqayıt” da MOİK-lə səfər oyununda favoritdir. Lakin digərləri ilə müqayisədə, “hərbiçilər”in asan təslim olmayacağını ehtimal edirik.
Qeyd edək ki, 1/8 final mərhələsinin qalan oyunları sabah keçiriləcək.
Azərbaycan kuboku
1/8 final
2 dekabr (cümə)
14:00 MOİK – “Sumqayıt”
Hakimlər: Əliyar Ağayev, Zeynal Zeynalov, Rza Məmmədov, Ziya Nəsirov
AFFA nümayəndəsi: Məmmədəli Məmmədov
Hakim-inspektor: Rövşən Əhmədov
“Bayıl Arena”
15:00 “İnter” – “Qaradağ Lökbatan”
Hakimlər: Ramil Diniyev, Rahil Ramazanov, Cəmil Quliyev, Alik Yunusov
AFFA nümayəndəsi: Arif Fərəcov
Hakim-inspektor: Murad Məmmədov
“İnter Arena”
16:00 AZAL – “Rəvan”
Hakimlər: Fariz Yusifov, Coşqun Həsənov, İsgəndər Əliyev, Rəşad Əhmədov
AFFA nümayəndəsi: Rauf Hüseynli
Hakim-inspektor: Şahin Cəfərov
“AZAL Arena”
17:00 “Neftçi” – “Şərurspor”
Hakimlər: Orxan Məmmədov, Knyaz Əmiraslanov, Cavanşir Yusifov, Elgün Hüseynov
AFFA nümayəndəsi: Abas Hüseynov
Hakim-inspektor: Əli Hüseynov
“Bakcell Arena”
