Mingəçevirdə bağlı qapı arxasında qalan şəxs xilas olunub.
Metbuat.az bildirir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, Mingəçevir şəhərində mənzildə 1 nəfərin bağlı qapı arxasında köməksiz vəziyyətdə qalması barədə məlumat daxil olub. Dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunub. Mənzilin giriş qapısı açılaraq vətəndaş aidiyyatı üzrə təhvil verilib. Əməliyyat saat 14:10-da başa çatıb.