Qış fasiləsində heyətində dəyişikliklər edən "Keşlə" daha bir futbolçu ilə anlaşıb.
Milli.Az xəbər verir ki, bu barədə apasport.az saytına paytaxt klubunun mətbuat xidmətinin rəhbəri Səbuhi Məmmədov məlumat verib.
O bildirib ki, uzun müddətdi danışıq aparılan milli komandamızın sabiq hücumçusu Vaqif Cavadovla hərtərəfli razılıq əldə edilib. 28 yaşlı futbolçunun mövsümün sonuna qədər bakılılarla müqavilə bağlayacağı artıq dəqiqləşib. O da digər oyunçular kimi, yanvarın ilk günlərində rəsmi müqaviləyə qol çəkəcək.
Qeyd edək ki, "Keşlə" buna qədər Məqsəd İsayev, Kamran Ağayev və Pablo Podionu heyətinə qatmışdı.
Milli.Az
Digər maraqlı xəbərlər Milli.Az-ın Facebook səhifəsində
