Elariz Məmmədoğlu son vaxtlarda haqqında yayılan xoşagəlməz xəbərlərə aydınlıq gətirib.
Publika.az xəbər verir ki, “ARB Ulduz”un
“Virtual həyat” proqramının növbəti qonağı müğənni Elariz
Məmmədoğlu olub.
Toy mövsümü öncəsi haqqında qara reklam kampaniyalarının bilərəkdən
irəli sürüldüyünü deyən müğənni artıq bu kimi şayiələrə önəm
vermədiyini söyləyib:
“Əslində son dönəmlər haqqımda ortaya atılan şayiələr vecimə deyil.
Toy mövsümü öncəsi haqqımda nəsə xəbər yayırlar. Gah deyirlər səsi
batıb, gah deyirlər artıq toya getmir, bizneslə məşğuldur, gah
deyirlər hansısa restoranda qadınla “tutublar”. Hər dəfə bu cür
şayiələr ortaya atılır. Bu söz-söhbətlər toylarımın sayını azaltmaq
üçündür. Çünki hər zaman diqqət mərkəzindəyəm”.
Ayağının altını qazan insanlarla məclisdə görüşəndə həmin adamların
dondan-dona girib, özlərini mələk kimi apardığını söyləyən Elarizin
də bildiyi bir şey var:
“Anti-reklamımla məşğul olan bir neçə nəfər var. Onları da
tanıyıram. Sadəcə olaraq mən onların adını deyən kimi, müxbirlər
gedib həmin adamlardan müsahibə götürəcəklər. Onlar da inkar
edəcəklər. Sonda isə o adamlar bir az da reklam olunacaqlar.
Mənim ayağımın altını qazmağa çalışanlar məni görəndə bir öpürlər,
bir qucaqlayırlar. Mən də onlara xoş sözlərimi deyirəm. Bununla da
ayrılırıq”.
Elariz Məmmədoğlu ilə olan geniş müsahibəni bu bazar saat 13-də
“Şou məkan” verilişində izləyə bilərsiz.
