"Mançester Yunayted" "Liverpul"un gənc ulduzu Raheem Sterlinqə elçi düşüb. ANS PRESS-in məlumatına görə, "qırmızı şeytanlar" 20 yaşlı yamaykalı futbolçu üçün 30 milyon avroluq təklif irəli sürüb.

"Mançester Yunayted" baş məşqçi Lui van Qaalın israrla istəliyi Sterlinq üçün bundan əvvəl də rəsmi təklif göndərmişdi. Lakin "Liverpul" həmin təklifdən imtina etmişdi.

Ötən ay İngiltərə mətbuatına açıqlama verən Sterlinq "Hər il Çempionlar Liqasında mübarizə aparaq və Premyer Liqada çempionluğa oynayan komandaya getmək istəyirəm. Hədəim bütün kubokları qazanmaqdı" demişdi.