"Barselona"nın müdafiəçisi Jerar Pike karyerasını MLS-də davam etdirə bilər.
Metbuat.az sport.es-ə istinadən xəbər verir ki, Devid Bekhem ispan futbolçunu şəxsi komandasında oynamağa dəvət edəcək. Sözügedən klub Mayami şəhərini təmsil edəcək. Devid Bekhemin komandasının 2017 və ya 2018-ci ildən etibarən MLS-də çıxış edəcəyi bildirilir.
Jerar Pike gələcəkdə sabiq ingilis futbolçunun təklifini dəyərləndirmək fikrindədi.
Bekhem daha öncə Zlatan İbrahimoviç və Ueyn Runini komandasına dəvət edəcəyi barədə açıqlama vermişdi.