ABŞ-da həbs olunan Cənubi Azərbaycanlı iş adamı Rza Zərrab vəkili Benjamin Brafman vasitəsi ilə 10 milyonu nağd olmaqla 50 milyon dollarlıq təzminat ödəməsi təklif edib.
Axşam.az-ın Türkiyə mətbuatına istinadən məlumatına görə, ifadədə həyat yoldaşı, müğənni Ebru Gündeş və qızı ilə birgə Mayamidə olarkən həbs olunan Rzanın adından hər şey ətraflı izah edilib. Yazılı ifadədə E.Gündeşlə tanışlığa da geniş yer ayrılıb:
"Məşhur türk müğənnisi Ebru Gündeş Zərrabın qardaşının 2005-ci ildəki toyunda səhnəyə çıxmışdı. Zərrab bəy uzun müddətdir onun heyranı idi. O, iki mahnı bəstələyərək Ebruya göndərib. Bundan çox təsirlənən müğənni Zərrab ilə görüşmək istədiyini deyib. 2010-cu ildə bir-birlərinə aşiq oldular, 2011-ci ildə Ebru Gündeş indiki tək uşaqlarını dünyaya gətirdi. Sonra Gündeş Zərrabın bəstələdiyi mahnılarla bir albom çıxartdı".
Vəkil yazılı ifadədə Rzanın evliliyini təhlükəyə atmamaq üçün gizlənməyəcəyini və harasa qaçmayacağını yazıb:
"Zərrab qaçacağı təqdirdə həm evliliyini, həm də həyat yoldaşının karyerasını məhv edəcək. O, bununla axtarışda olan birinin həyat yoldaşına çevriləcək".
