ABŞ-da həbsdə olan iş adamı, müğənni Ebru Gündeşin həyat yoldaşı Rza Zərrabla bağlı xəbər var.

Axşam.az-ın Türkiyə mətbuatına istinadən xəbərinə görə, Mayamidə həyat yoldaşı və qızının gözü qarşısında həbs olunan Rza təzminat qarşılığında sərbəst buraxılmasını istəmişdi. Amma baş hakim Preet Bharara Rzanın Whatsapp yazışmalarını hakimə təqdim edərək, bu işi çətinləşdirib.

Yazışmalarda Acun İlıcalı ilə Dubay istirahəti də yer alıb. Burada eyni zamanda Mayamidə onlara kömək edəcək ingilis dayə və oradakı planları olub. Yazışmada Acun Zərrabdan özəl təyyarədə işçiləri üçün yer olub-olmadığını soruşur.

Yazışmalardan bəzi məqamlar:

Dubaya istirahətə və “Formula 1” izləməyə gedirlər.

Zərrab “Foprmula 1” izləmək üçün 209 min BƏƏ dirhəmi (təxminən 85 min manat) xərcləyib.

380 min dirhəm (təxminən 180 min manat) isə “Formula 1” avtomobili istifadə etmək üçün xərcləyib.

Dubaydan qayıdarkən Acunun təyyarəsi xarab olduğu üçün Rza öz təyyarəsini ona göndərir.

Qeyd edək ki, R.Zərrab iki ay əvvəl ABŞ-da həbs olunub. Ona qarşı İrana qoyulan embarqonu pozmaq, bank sistemində fırıldaq, hökuməti aldatmaq kimi ittihamlarla cinayət işi açılıb.